Errusia

2024/08/02 - 22:41

Zer ekarriko dio presoen truke handiak Ukrainako gerrari?

Nahia Sanzo soziologo eta kazetariaren arabera, AEBk, Errusiak eta aliatuek egindako presoen truke handiak tentsioa baretzea ekar lezake, baina, negoziazioak hurbilago egon daitezkeen arren, Errusiaren eta Ukrainaren arteko jarrerak oso urrun daude.

2024/08/02 - 18:57

Ukrainarren % 57k uste dute Errusiarekin negoziatzen hasi behar dutela, inkesta baten arabera

Aitzitik, Kieveko Nazioarteko Soziologia Institutuak galdetutakoen % 38 negoziazioa abiatzearen aurka agertu ziren. Gainera, % 66k adierazi zuten Ukrainak bere lurralde guztiak berreskuratu behar dituela, eta % 70ek baino gehiagok errefusatzen dute NATOn eta EBn sartzeari uko egitea.

2024/08/02 - 18:35

Kremlinek uko egin dio Pablo Gonzalez trukean sartzearen arrazoia azaltzeari

Jens Stoltenberg NATOko idazkari nagusiak, bestalde, Aliantza osatzen duten herrialdeen arteko "lankidetza estua" nabarmendu du.

2024/08/02 - 09:37

Albiste izango dira: Pablo Gonzalez aske, Gasteizko jaien pregoia, eta ERCren barne galdeketa

Gaurkoan albiste izango direnen laburpena, bi hitzetan.

2024/08/01 - 21:36

Gershkovich kazetaria, Whelan marinea eta Kara-Murza opositorea, askatutako presoen artean

26 preso askatu dituzte: zortzi Errusiara itzuliko dira (tartean, Pablo Gonzalez kazetaria), eta 16, Mendebaldera.

2024/08/01 - 19:12

Nortzuk dira Errusiak eta AEBk eta aliatuek trukatu eta aske utzitako presoak?

26 pertsona dira, tartean militarrak eta kazetariak, eta zazpi herrialdetatik hegazkinez bidali dituzte Ankarara, trukea egiteko.

2024/08/01 - 18:55

Pablo Gonzalezen espetxealdiaren gakoak: 26 hilabete preso Polonian epaiketarik gabe

Euskal kazetaria, Espainiako eta Errusiako nazionalitatea dueña, aske utzi dute ia bi urte eta erdi Polonian preso eman ostean. 2022ko otsailaren 28an atxilotu zuten, eta ez dute kargurik aurkeztu bere kontra.

2024/08/01 - 18:34

Pablo Gonzalez aske geratu da Errusia eta Mendebaldearen arteko preso truke handi batean

Gerra Hotzetik egin den preso trukerik handiena da. Errusiak eta Bielorrusiak, alde batetik, eta AEBk, Poloniak, Alemaniak, Esloveniak eta Erresuma Batuak, bestetik, dozenaka preso aldatzea adostu dute. Abokatuak azpimarratu du Errusiak konponbidea bilatzeko interesa erakutsi duela.

2024/07/31 - 22:57

Zelenskik uste du posible dela konponbidea aurkitzea "bide diplomatikotik, Errusiak hala nahi badu"

Ukrainako presidenteak, azkenaldian egin duen bezala, bide diplomatikoan sakontzearen alde egin du, eta azaroan bakeari buruz egingo den bigarren goi-bileran "Errusiako ordezkariek parte hartu behar dutela" erantsi du.

2024/07/28 - 14:44

Putinek AEBri esan dio Errusiak ere misilak zabalduko dituela, hark Alemaniara egindako bidalketari erantzunez

"AEBk eta horren eliteek Europan eta munduko beste eskualde batzuetan" egindako ekintzetan oinarrituta hedatuko ditu armak Errusiak. Etxe Zuriak hil honetan iragarri duenez, 2026tik aurrera hasiko da Alemanian irismen luzeko armak pixkanaka hedatzen, Funtzio Anitzeko Lantaldearen barruan.

2024/07/18 - 14:45

Von der Leyenek Defentsa, Etxebizitza eta Mediterraneorako komisarioak agindu ditu, berriro hautatzen badute

Gainera, klima-egokitzapenerako egitasmo bat eta uraren erresilientziarako estrategia bat iragarri ditu bere bigarren agintaldiko lehen tasun bezala. Bestalde, Europako aireko ezkutu bat bultzatzeko asmoa azaldu du.

2024/07/11 - 21:19

Ukrainak dio NATOk "benetako aurrerapausoa" eman duela bera kide egiteko bidean

Etorkizunean integratzeko eta "Errusiaren inbasioari aurre egiten" laguntzeko konpromisoa hartu du Aliantzak Washington egindako goi-bileraren adierazpenean. Errusiak ze neurri hartu aztertuko duela dio. Txina ere haserre dago, "EBrekin dituen harremanak zapuzten" ari direlako.

2024/07/08 - 20:13

Gutxienez 36 hildako eta haur-ospitale bat kaltetuta, Ukrainaren aurkako eraso berrien ondorioz

Ukrainako presidenteak adierazi duenez, hainbat eraikin kaltetu dira, besteak beste, haurrentzako ospitale bat. "Hondakinen azpian jendea dago" eta "ez dakigu zenbat zauritu eta hil diren", esan du. NBEk eta EUk erasoak gaitzetsi dituzte.

2024/07/08 - 13:47

Umeentzako ospitale bat kaltetu da Errusiak Kieven aurka egindako eraso berri batean

Gutxienez zazpi hildako eta 11 zauritu daude, eta litekeena da kopuruak gora egitea. Vlodomir Zelenski Ukrainako presidenteak adierazi duenez, "pertsonen, haurren eta, oro har, gizateriaren aurka egindako krimen guztiengatik erantzun beharko du" Errusiak.

2024/07/05 - 20:39

Orbanek Putin bisitatu du Moskun eta haserrea eragin du Europar Batasunean

Viktor Orban Hungariako lehen ministroak azaldu duenez, ostiral honetan Moskura egindako bisitaren helburua Vladimir Putin Errusiako presidentearen iritzia bertatik bertara ezagutzea zen, Ukrainako gerra nola konpondu nahi duen jakiteko.

2024/06/24 - 20:19

EBk Ukrainari 1.400 milioi gehiago ematea erabaki du material militarra erosteko

Hungariaren abstentzioari esker izango da posible hori, iturri diplomatikoek adierazi dutenez. Beste iturri batzuek, ordea, azaldu dute EBko legediaren interpretazio batean oinarritu dela Kontseilua; zeinaren arabera, Hungariak ezin zuen iritzirik eman laguntzen ari ez den tresna bat erabiltzeko.

2024/06/24 - 17:17

Gutxienez 19 pertsona hil dira eta 12 zauritu Dagestanen izandako atentatu terroristatan

Bi eliza ortodoxo, sinagoga bat eta polizia etxe bat izan dira erasoen helburu. Atzo izan ziren atentatuak, Errusiako ortodoxoek Mendecoste jaia ospatzen ari zirela.

2024/06/23 - 15:30

Hiru hildako eta 19 zauritu Errusiako armadak Jarkoven egindako erasoan

Kieven ere jasan dituzte eraso errusiarrak azken orduotan, baina ukrainako aire-defentsak misilak desegitea lortu du horiek lurreratu baino lehen.

2024/06/21 - 00:00

Rutte izango da NATOko idazkari nagusi berria

Herbehereetako jarduneko lehen ministroak Ukrainako gerra bezalako erronkei aurre egin beharko die, besteak beste, Jens Stoltenbergen lekukoa hartzen duenean NATOko idazkari nagusi bezala.

2024/06/19 - 12:48

Putinek eta Kim Jong-Unek lankidetza estrategikorako akordioa sinatu dute

Bi agintariek Piongiang egin duten goi-bileran, Errusiako presidenteak eskerrak eman dizkio Ipar Koreako lider gorenari Ukrainako inbasioaren harira emandako babesagatik.