Albiste izango dira: AEB-Errusia bilera Ukrainari buruz, etxebizitza dekretu berria eta aita santuaren osasuna
Honako gai hauek hartuko dituzte gaur, 2025eko otsailaren 18an, hedabideetako lerroburu nagusiak:
- Ukrainari buruzko bilera AEBren eta Errusiaren artean: Serguei Lavrov Errusiako Atzerri ministroak eta Marco Rubio AEBko Estatu idazkariak bilera egingo dute Riaden, (Saudi Arabia), bi herrialdeen arteko harremanak normalizatzeko eta Ukrainarako bakea negoziatzeko. Ukrainako Gobernua ez dute gonbidatu Riadeko bileran parte hartzera, eta Volodimir Zelenski Ukrainako presidenteak aurreratu du ez dituela batzar horretako ondorioak ontzat emango. "Ukrainak ez du onartuko. Ukrainak uste du Ukrainari buruzko edozein negoziaziok ez duela baliorik Ukrainaren iritzia aintzat hartu gabe".
- Etxebizitza dekretu berria: Denis Itxaso Eusko Jaurlaritzako Etxebizitza eta Hiri Agenda sailburuak Euskadiko lurzoru urbanizagarrien estandarrak aldatuko dituen etxebizitza dekretu berria aurkeztuko du gobernu bileraren osteko prentsaurrekoan.
- Francisco aita santuaren osasun egoera: Frantzisko aita santuak "sukarrik gabe" jarraitzen du Erromako Gemelli ospitalean eta bere datu klinikoak "egonkorrak" dira, Vatikanoak zabaldutako informazioaren arabera. Aita santuak "koadro kliniko konplexua" du eta ospitalean jarraituko du hainbat egunez. Ostiraletik dago ingresatuta, bronkitisa dela eta.
Zure interesekoa izan daiteke
Kallasek kritikatu du Bake Batzordeak ez duela NBEko Segurtasun Kontseiluaren ebazpena "islatzen"
Europar Batasunak Kanpo Politikarako duen goi-ordezkariak ere ohartarazi du NBEko Segurtasun Kontseiluak ez duela behar bezala funtzionatzen "legearen gainetik dauden herrialdeak daudelako".
AEBk are gehiago leundu ditu Venezuelan aritzen diren petrolio-konpainiei ezarritako murrizketak
Petrolio-ekoizpena nabarmen areagotzeko aukera izango dute Repsol, Eni, Chevron, BP edo Shell bezalako enpresek baimen berriei esker. Josu Jon Imaz Repsoleko kontseilari delegatuak aurreratu zuen bere enpresa prest dela "Venezuelan gehiago inbertitzeko".
Kubako "egoera dramatikoaren" aurrean kide humanitarioekin kontaktuan jarri da EB
Venezuelak herrialde horren energia-euskarri nagusia izateari utzi ondoren, erregai-horniduraren gabeziak eragindako krisi larria pairatzen ari dira Kuban, Nicolas Maduro presidentea atxilotu ondoren, Washingtonen eta Caracasen arteko harreman berriaren ondorioz.
Erresuma Batuko Justiziak legez kanpokotzat jo du Palestine Action taldea debekatu izana
Londresko Auzitegi Goreneko hiru epaileek adierazi dutenez, 2020an sortutako taldeak protestak egiteko "delituzko metodoak" erabiltzen baditu ere, bere taktikek ez dute legean ezarritako baremoa betetzen terrorista gisa sailkatu ahal izateko. Betoa indarrean sartu zenetik, 2.700 pertsona baino gehiago atxilotu dituzte Palestine Actioni babesa emateagatik. Horietako asko adinekoak dira, eta babesa adierazteko pankarta bat eramate hutsagatik atxilotu dituzte.
Nils eta Oriana ekaitzek kalte handiak eragin dituzte Europa hegoaldean
Azken orduetan Nils eta Oriana ekaitzek uholdeak, 150 km/h-tik gorako haize-boladak eta milaka pertsona argindarrik gabe utzi dituzte Europa hegoaldean. 2026. urtea hasi denetik inpaktu handiko bederatzi ekaitz iritsi dira Europara.
Trumpek bertan behera utzi du berotegi-efektuko gasen emisioa mugatzen zuen Obamaren irizpena
AEBko presidenteak adierazi duenez, "ibilgailu berri baten batez besteko prezioa ia 3.000 dolar murriztuko du".
"Araudia sinplifikatzea" aztertzen ari da EB, ekonomia suspertzeko
Ursula von der Leyen Europako Batzordeko presidenteak agindu du "araudia sinplifikatzeko ahalegina" egingo dutela, baina, aldi berean, beharrezkotzat jo du herrialde bakoitzak bere lege prozedurak arintzea.
Lotsa bortxatzaileek sentitu behar dutela esan du Gisele Pelicotek epaiketa ondoren emandako lehen elkarrizketan
Xabier Ormazabal Parisko korrespontsalak Pelicotek emandako elkarrizketa jarraitu du. Ez da damutzen epaiketa ateak zabalduta egiteaz eta lotsa bere bortxatzaileek sentitu behar dutela dio. Asteartean 'Eta bizipoza' liburua kaleratuko du.
Minnesotako immigrazio agenteen hedapen masiboaren amaiera iragarri du Trumpen Gobernuak
Tom Homan Donald Trump presidentearen "mugako tsarra" deiturikoak baieztatu egin du estatuan zabaldutako operatibo bereziak atzera egingo duela pixkanaka, gobernadorearen oposizioaren eta bizilagunen mobilizazioen ondotik.
Kaskoa argazkiz janzteagatik ezarritako zigorrak olinpismo modernoaren bazterrak astindu ditu
Nazioarteko Batzorde Olinpikoak Vladyslav Heraskevych skeletonista ukrainarra kanporatu du Neguko Jokoetatik, gerran hildako kirolari ukrainarren argazkiak zituen kasko batekin lehiatzeagatik, neutraltasun politikoaren arauak urratzen zituela iritzita.