Klima Aldaketa
2024/05/10 - 13:26
Emisio Baxuko Eremuaren gakoak: zein ibilgailuri eragingo die Bilboko araudiak?
50.000 biztanletik gorako udalek emisio gutxiko eremuak martxan jarri behar dituzte, kutsadura murrizte aldera. Bilbo izan da murrizketak indarrean noiz sartuko diren argitzen lehena.
2024/05/08 - 17:29
Euskalmeten arabera, apirila beroa eta oso lehorra izan da
Tenperatura altuen errekorrak hautsi dira eta apiril batean lehenengo aldiz erregistratu ziren gau tropikalak kostaldean. Hilabetean zehar erregistratutako prezipitazioen arabera, hilabetea Arabako Lautadan eta Arabako Errioxan izandako lehorrenetakoa izan da.
2024/05/08 - 07:00
Aurtengoa izan da apirilik beroena munduan, hamaika hilabetez jarraian bero markak hautsita
Copernicuseko Klima Aldaketaren Zerbitzuak gaur zabaldutako txostenaren arabera, industriaurreko garaiarekin alderatuta (1850-1900), 1,61 ºC igo zen apirileko batez besteko tenperatura.
2024/05/04 - 21:08
Katalunian arnas pixka bat eman du azken asteko euriak
Kataluniako zenbait urtegi egoera larrienetik atera dira azken egunotan. Barnealdeko urtegietan % 21,2raino igo da bildutako ur kopurua, duela astebete baino hiru puntu gehiago. Bartzelonan, Sau urtegia hutsik zegoen ia, eta %12,1an dago orain, eta Sequedakoa %26,69an. (Musika: Ura. ERAUL)
2024/04/22 - 18:35
Munduko langile aktiboen % 70 baino gehiagoren osasuna arriskuan dago krisi klimatikoaren ondorioz
Kaltetuenak nekazaritzako langileak, baliabide naturalen kudeaketarekin, eraikuntzarekin, hondakinen bilketarekin, garraioarekin, turismoarekin eta kirolekin lotutako lanak egiten dituztenak dira. Hau da, lanaldiaren zati handi bat aire zabalean igarotzen dutenak.
2024/04/22 - 16:30
Kukua, udaberriaren berriemaile zaputza
Kukuaren kantuak udaberrian gaudela jakinarazten digu. Entzun bai, baina ikusteko zaila da. Urdaibai Bird Centerreko arduradun batekin ikustea eta entzutea lortu dugu, badaezpada ere, dirua poltsikoan.
2024/04/22 - 11:40
Beroarekin lotutako heriotza kopurua % 30 hazi da azken bi hamarkadetan, Europan
2023an muturreko estres termikoko egun kopuruaren errekorra gainditu zen, 46 ºC-tik gorako tenperaturekin.
2024/04/18 - 19:48
Afrika mendebaldea inoizko berotzerik handiena ari da sufritzen eta horrek sekulako lehortea eragin du
Tenperaturak 48 graduraino iritsi dira Malin eta Burkina Fasoko hegoaldean, eta gutxienez 102 pertsonaren heriotza eragin du.
2024/04/10 - 19:03
Greenpeacek ''Politika berderik gabe etorkizun grisa'' dioen pankarta zabaldu du Bilboko Guggenheim aurrean
Greenpeacek politika berdea eskatu du Euskadirako, eta, horretarako, 50 metro koadroko pankarta bat zabaldu du Bilboko Guggenheim Museoaren aurrean, ikurrinarekin eta "Politika berderik gabe etorkizuna grisa da" leloarekin.
2024/04/09 - 15:09
Klima aldaketaren aurka neurriak ez hartzeak giza eskubideak urratzen ditu, Estrasburgoko Auzitegiaren arabera
Europako Giza Eskubideen Auzitegiak aintzat hartu du Suitzako adineko emakume talde batek jarritako salaketa eta Suitzako Gobernua zigortu du. Aitzitik, Estrasburgoko Auzitegiak ez du onartu Portugalgo gazte batzuek jarritakoa, herrialdeko auzitegietako bidea amaitu behar zutelako.
2024/04/09 - 09:14
Hamar hilabete jarraian bero markak hausten: martxo hau ere, beroena erregistroak daudenetik
Klima-aldaketa aztertzen duen Copernicus txostenaren arabera, azken martxoan erregistratutako gainazaleko airearen batez besteko tenperaturak 0,73 graduko igoera izan du, 1991tik 2020ra bitartean hilabete berarekin alderatuta.
2024/04/04 - 12:42
Mundu osoko CO2 isurien % 80 erregai fosilen eta zementuaren 57 ekoizleri lotuta dago
Gehien kutsatzen duten enpresen artean hauek nabarmentzen dira: Saudi Aramco, Gazprom, Coal India, National Iranian Oil Company, BP, Shell, Total Energies, Eni, RWE edo Repsol.
2024/03/27 - 20:09
Izotz-urtze polarra Lurreko errotazioa moteltzen ari da, eta horrek eragina izan dezake orduaren koordinazioan
Ikerketa baten arabera, Groenlandiako eta Antartikako izotz-urtzeak Lurraren abiadura angeluarra moteldu dezake, lehen baino azkarrago.
2024/03/22 - 12:46
Munduko eraikin ezagunenek argiak itzaliko dituzte larunbatean, Planetaren Orduan
Ordu tarte berean (20:30etik 21:30era) amatatuko dituzte argiak udaletxe, enpresa eta etxebizitzetan, klima aldaketak dakartzan ondorio larrien gainean kontzientziatzeko.
2024/03/21 - 20:57
Ura aurrezteko sistemak diseinatzeko teknologiaz baliatzen dira Ura agentzia eta Udalak
1989ko lehortea inflexio-puntu izan zen uraren kudeaketan. Ordutik hona ura aurrezteko eta ur-galerak saihesteko lan handia egiten dute Ura partzurergoek eta udalek. Horietako batzuk ezagutu ditugu, apirilean Donostian egingo den uraren nazioarteko Water Loss kongresu handiaren atarian.
2024/03/20 - 09:08
Udaberria hasi da, mendeko bigarren negu epelena atzean utzita
Udaberri astronomikoa 04:06an abiatu da, eta 92 egun eta 18 ordu iraungo ditu, ekainaren 20ra arte. Euskalmeten arabera, aurtengo neguko batez besteko tenperatura ohikoa baino 2 °C altuagoa izan da, mende honetan 2016ko erregistroek bakarrik gainditu dutena.
2024/03/18 - 18:33
Euskal Herria tropikala: Salpa brasildar bat arrantzatu dute Lekeitioko uretan
Larrialdi klimatikoak eragin nabarmena dauka itsasoko bizitzan. Hori dio AZTI euskal zentro teknologikoak egindako azken ikerketak.
2024/03/04 - 19:07
Otsailean, normalean baino 2,5 gradu tenperatura altuagoak eta barnealdean % 70-100 euri gehiago
Horrela, otsaila hilabete "oso beroa eta hezea" izan da. Izotz egunen kopurua ohikoa baino txikiagoa izan da, eta nabarmentzekoa da Arabako Errioxan ez duela izotzik bota hilabete osoan.
2024/02/27 - 21:53
Bilboko Guggenheim museoaren kontrako pintura bota dute, Urdaibako proiektuaz protestan
Futuro Vegetal klimaren inguruko taldeak Guggenheimen aurkako ekintza egin du, Urdaibain museo berria eraikitzeko proiektuaren inguruan protestatzeko eta larrialdi klimatikoan erakundeei ardura eskatzeko.
2024/02/23 - 08:32
Moda jasangarria, goraldi betean
Ehungintza da munduan gehien kutsatzen duen sektoreetako bat. Hasi materialen ekoizpenetik eta hondakinak deuseztatzeraino, industria horrek eragin nabarmena du ingurumenean. Gero eta marka gehiagok egiten dute moda jasangarriaren aldeko apostua. Horietako batekin izan gara.