Chivitek 2030 Agendaren papera aldarrikatu eta "globala tokiko erakundeetatik" landu behar dela defendatu du
Maria Chivite Nafarroako presidenteak New Yorken (AEB) parte hartu du gaur, Nazio Batuen Erakundeak antolatutako Garapen Iraunkorrari buruzko Goi Mailako Foro Politikoan. Bertan, "globala tokiko erakundeetik" jorratu behar dela defendatu du. Gainera, 2030 Agendaren papera aldarrikatu du, "mende honetako erronkei sendo heltzeko" tresna bezala.
New Yorken egindako agerraldian, Teresa Ribera Espainiako Gobernuko hirugarren presidenteorde eta Trantsizio Ekologikorako eta Erronka Demografikorako ministroa eta Pablo Bustinduy Eskubide Sozial, Kontsumo eta 2030 Agendarako ministroa lagun izan ditu agintari nafarrak.
Chivitek, bere hitzaldian, adierazi du erkidegoek abantaila handia dutela 2030 Agenda martxan jartzeko, harreman estuagoa baitute ekimen horrek bultzatu nahi dituen eremuekin. "Hurbiltasunak politikak gure lurraldeen behar zehatzetara egokitzea ahalbidetzen digu", azpimarratu du.
Foru Gobernuko buruzagiak, halaber, Nafarroa garapen iraukorrerako helburuen lorpenean nabarmendutako erkidego bihurtzen duten osagaiak birpasatu ditu, hala nola, berdintasunean hezteko Skolae programa abian jartzea, klima-aldaketara egokitzeko politikak edo Errenta Bermatuaren programa.
"Espainian pobrezia eta desberdintasun indize txikiena duen lekuetako bat gara, baita bizi-kalitate hoberenetarikoa ere", nabarmendu du. "Horregatik, garapen jasangarriaren helburuak onartzea naturala izan da gure herriarentzat", gaineratu du.
Azkenik, 2030 Agendarekin "herri gisa dugun konpromisoa" berretsi du Chivitek. "Bere espiritua Nafarroaren DNAren parte da", esan du, eta honako hau adierazi du: "Oso kontziente gara guk utzitako ondareak etorkizuneko belaunaldientzat izango duen eraginaz".
Foru Erkidegoak 2030 Agendan Nafarroako Parlamentuaren aginduz hasi zuen bere bidea 2016an, Nazio Batuek tresna hori sortzea onartu eta urtebetera.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.