Lana
2025/02/24 - 14:55
EAEko sindikatuek beste bilera bat deitu dute gutxieneko soldata propioa patronalarekin negoziatzen saiatzeko
ELA, LAB, Steilas, ESK, Etxalde eta Hiru sindikatuek beste batzar bat deitu dute martxoaren 20rako Euskadirako gutxieneko soldata propio bat Confebaskekin negoziatzen saiatzeko. Horien aburuz, EAEko gutxieneko soldatari buruz egindako proposamenak berme juridiko guztiak ditu.
2025/02/24 - 12:49
Eusko Jaurlaritzak EKI plana aurkeztu du "enplegu publikoaren aro berriari erantzuteko"
Sarbiderako, ibilbide profesionalerako, ezagutzaren trasmisiorako eta gaitasunen kudeaketarako prozesuetan jarri du azpimarra, eta inplikazioa eskatu die sindikatuei.
2025/02/19 - 19:27
Zumaiak, Getariak eta Azpeitiak Udaltzaingo lan eskaintza publiko bateratua egingo dute
Hautaketa prozesuan bereziki baloratuko dira herria ezagutzea eta euskara. "Esperientziak erakutsi du Arkautiko prozesuen bidez aukeratutako udaltzainek, askotan, berehala uko egiten diotela lanpostuari beste herri edo hiriburuetara joateko", gogorarazi dute alkateek.
2025/02/19 - 13:13
Lan Ikuskaritzak 20.587 jarduketa egin zituen Euskadin 2024an
Ikerketen % 36,47 lan harremanekin lotutakoak ziren, gehienak lan-denboraren kontrolarekin, lanaldiaren erregistroarekin eta lan-baldintzekin.
2025/02/18 - 15:12
Meteorologia eta atzerritarren lan baimenak Eusko Jaurlaritzari eskualdatzea sinatuko dute otsailaren 28an
Transferentzien Batzorde Mistoa otsailaren 28an bilduko da akordio hori izenpetzeko. Eskualdatzeari buruzko xehetasunak hilaren 28an jakinaraziko dituzte.
2025/02/17 - 14:31
Lanuzteak deitu dituzte Talgon, Renfek ezarritako isunarengatik langileen soldatak jaitsi egingo direlako
Eskatutako trenak agindutako epean ez egiteagatik 116 milioi euroko isuna ordaindu beharko dio tren ekoizleak Renferi. Ondorioz, langileek 10 milioi euro gutxiago jasoko dutela kalkulatu du CSIF sindikatuak.
2025/02/16 - 17:21
Milaka lagun elkartu dira Iruñean Nafarroako industriaren etorkizunaren defentsan
Nafarroako Volkswagen, Nano Automotive, Siemens-Gamesa, Sunsundegui, BSH, Tasubinsa eta Tenerias Omegako enpresa-batzordeek deitu dute mobilizazioa. Industria Legea baliatuz, deslokalizazioen eta itxieren kontrako "bermeak" ezartzeko eskatu dizkiote Nafarroako Gobernuari.
2025/02/11 - 13:15
Nano Automotivek iragarri du Tuteran duen lantegia itxi eta bertako 120 langileak kaleratuko dituela
Urtarrilaren 14tik lantegiko ekoizpenak behera egin du eta enpresa batzordeak aurreikusita zuen erabakia etorri da azkenean.
2025/02/11 - 10:19
Ayerzak ''zorroztasun eza'' salatu du medikuek ''bajak eta altak ematerako orduan''
Jose Miguel Ayerza ADEGIren idazkari nagusiaren hitzetan, "gizarte arazo bat daukagu bajarekiko" eta "sakon" aztertu behar da gaia, "absentismoa guztiontzako delako txarra". "Askotan, bajak eta altak ematerakoan ez da zorrotz jokatzen", esan du.
2025/02/10 - 13:47
Lanbidearteko Gutxieneko Soldata 1.184 eurora igotzeko akordioa sinatu dute Lan Ministerioak eta sindikatuek
Yolanda Diaz Lan ministroak eta Unai Sordo eta Pepe Alvarez CCOO eta UGT sindikatuen idazkari nagusiek sinatu dute ituna. Gutxieneko soldataren igoera astearte honetan onartuko dute Ministroen Kontseiluan, eta berehala sartuko da indarrean, aurtengo urtarrilaren 1eko atzeraeraginez.
2025/02/07 - 18:29
Oñatiko Stadler lantegiak bere ateak itxi eta behargin guztiak, 58, kaleratuko ditu
Enpresak automobilgintza sektorerako sintetizatutako pieza metalikoak ekoizten ditu, eta 2024ko uztailetik dago hartzekodunen konkurtsoan. ELAren ustez, "guztia zuzendaritzaren kudeaketa eskasaren ondorioa da".
2025/02/05 - 13:46
Gutxieneko soldataren gainean patronalak eta sindikatuek akordioa lortuko duten itxaropena du Jaurlaritzak
Bestalde, lanaldia 37,5 ordura murrizteko aurreproiektua begi onez ikusten duela esan du Ekonomia, Lana eta Enpleguko sailburuak.
2025/02/05 - 10:41
37,5 orduko lanaldia: nola ezarri daiteke eta noiz sartuko da indarrean
Neurria behin betiko onartuko balitz, bi modu egongo lirateke ezartzeko: batetik, eguneko lanaldia murriztea, eta bestetik, urteko librantza egunak gehitzea. Enpresa bakoitzak negoziatu beharko luke hori langileen batzordearekin.
2025/02/04 - 10:41
Euskadiko 350.000 langileri lanaldia 37,5 ordura murriztuko diete urtea amaitu baino lehen
Espainian 12 milioi langileri eragingo die lanaldiaren jaitsierak. 37,5 ordutik gorako lan astea duten enpresek 2025eko abenduaren 31ra arteko epea izango dute neurria aplikatzeko.
2025/01/30 - 16:48
Gasteizko Mercedes lantegiko 180 behin-behineko langile kaleratuko dituzte, otsailetik hasita
Enpresak martxoan hirutik bira murriztuko ditu lan-txandak, produkzioaren beherakada dela eta. Horrela, otsailaren erdialdetik aurrera, behin-behineko behargin horien kontratuak amaituko dira, eta ez zaizkie berrituko.
2025/01/30 - 15:05
Arabako Aldundiak adierazi du EAEko hainbat inbertsorek Guardian erosteko interesa dutela
Balizko inbertsoreek Laudioko labearen itzaltze kontrolatua babesten dutela berretsi dute Foru Aldundiak eta EAJk. Laudioko alkateak, ordea, salatu du informazio falta dagoela.
2025/01/29 - 22:25
Jantokietako eta garbiketako greban "gehiegizko gutxieneko zerbitzuak" salatu dituzte ELAk, LABek eta CCOOk
Sindikatuek ziurtatu dutenez, "oztopoak oztopo", jarraipen "oso zabala" espero dute ostegun eta ostiral honetan, eskura dituzten datuen arabera.
2025/01/29 - 21:13
Balenciaga ontziolako langile-batzordeak Zumaiako osoko bilkuran parte hartuko du ostegunean
Langileen ordezkariek azaldu dutenez, alderdien "babes aktiboa" eskatuko dute, "Eusko Jaurlaritzan eta Espainiako Gobernuan enpresaren jarraipenerako eta plantillari eusteko beharrezkoa den laguntza instituzionala" lor dezaten.
2025/01/29 - 07:54
Albiste izango dira: Guardianeko labearen itzaltzea, Osasun Itunaren Mahaia eta lehendakaria Bruselan
Gaurkoan albiste izango direnen laburpena, bi hitzetan.
2025/01/28 - 10:22
Euskadik 43.400 landun gutxiagorekin itxi du 2024 eta langabezia-tasa % 8,17ra igo da
Bestalde, Nafarroa da Espainiako Estatuan langabezia-tasa txikiena duen autonomia-erkidegoa, % 6,6, Biztanleria Aktiboaren azken Inkestaren datuen arabera.