Hiru behargin hil dira lan-istripuz 24 orduan
LAB sindikatuak salatu duenez, bi langile hil dira basolanetan ari zirela, Altsasun (Nafarroa) eta Eskoriatzan (Gipuzkoa). Beste batek istripu ez traumatikoa izan du, Donostian.
Hiru langile hil dira, lanean ari zirela, azken 24 orduetan. Basomutilak ziren horietako bi, eta adarrak gainera erorita hil dira. Besteak lan-istripu ez traumatikoa izan zuen.
Astelehenean, Altsasun (Nafarroa), basolanetan ari zen 45 urteko langile bat hil zen, adar bat gainera erorita. Logroñoko enpresa batek kontratatu zuen; beraz, LABek salatu duenez, ez da agertuko Nafarroako estatistika ofizialetan. Basogintza hilkortasun handiena duen lanbidea da, eta LABek salatu du bakarrik ari zela lanean.
Asteartean, Eskoriatzan (Gipuzkoa), beste behargin bat hil da basogintzan, adar batek jota.
Azkenik, Donostian langile bat hil da, bihotzekoak jota. LABek 65 urte zituela eta belauniko lan egiten ari zela azpimarratu du. Parques Históricos 2023 Aldi Baterako Enpresen Elkarterako ari zen lanean, Donostiako Udalak azpikontratatuta.
Sindikatuak salatu du prebentzio faltak eragi dituela heriotzak, eta horren aurrean neurri gogorrak hartu behar direla esan du. “Langileok hiltzen gara, ez enpresariak”, gehitu du.
Albiste gehiago ekonomia
Hirugarren greba eguna izango dute Bizkaiko autoeskolek astelehen honetan, azken bilerak porrot egin eta gero
ELA eta CC.OO. sindikatuek hiru greba egun deitu zituzten uztailerako eta partehartze handia izan dute aurreko biek. Aurreko astean, uztailaren 15ean, bildu ziren APAVI patronalarekin baina ez zuten akordiorik erdietsi. Gauzak honela, irailaren 2an izango dute hurrengo bilera.
BSHko langileek astelehen honetan bozkatuko dute lan-erregulazioko espedienteari buruzko aurreakordioa
Enpresa batzordearen gehiengoak, ELAk eta LABek izan ezik, aurreakordioa lortu zuen asteazkenean zuzendaritzarekin, eta, horren arabera, lantegia itxi eta 609 pertsona kaleratuko dituzte 655 izan beharrean. Hainbat asanblada informatibo egin ostean, bozketa egingo dute langileek astelehen honetan.
'La Suizako 6ak' erabat aske uzteko eskatu dute, hirugarren gradua lortu ostean
CNT sindikatuak elkarretaratzeak egin ditu Bilbon eta Donostian, 'La Suizako 6ak' ezizenez ezagun egin diren sei sindikalisten alde. Izan ere, bost emakume eta gizon bati kartzela zigorrak ezarri dizkiete Gijongo 'La Suiza' gozotegiaren aurrean, langile baten kaleratzearen aurka, protestak eta mobilizazioak egiteagatik.
Asteburuko greba bertan behera utzi dute Gipuzkoako Avanzako langileek
Langileek greba egiteko eskubiderako "gutxieneko baldintzak" betetzen ez direla deitoratu du enpresa-batzordeak.
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".