Osakidetza

2024/09/09 - 18:31

Osakidetzak irailaren 16an hasiko du bronkiolitis akutuaren aurkako txertaketa kanpaina haurren artean

Txertoa, batez ere, jaioberriei, 3 hilabetetik beherakoei, goiztiarrei eta gaixotasun kronikoren bat duten 2 urtetik beherako haurrei jarriko zaie. Kanpaina horren bidez, ospitaleratzeen kopurua erdira murriztu nahi da.

2024/09/06 - 17:32

Normaltasunera itzuli da Basurtuko Unibertsitate Ospitalea, goiza zaildu duen matxura elektrikoa konponduta

Itzalaldi batek ospitaleko hainbat pabiloi ilunpean eduki ditu 05:00etatik 12:00etara, tartean kanpo-kontsultena; horietatik premiazkoenak baino ez dira artatu. Jaioberrien unitatean larrialdiko argindar-sistema aktibatu dute. Larrialdietan ez du eragin matxurak.

2024/09/06 - 12:26

Diagnostiko bateratu baten garrantzia azpimarratu du Osasun sailburuak, berehalako hobekuntzak ahaztu gabe

Alberto Martinezek argi du diagnostikoaren elementuetako bat "lehen mailako arreta indartzea" izango dela. Bitartean, epe laburrean, anbulatorioetako hitzorduak 48 ordura murriztea du helburu, baita espezialitateetako itxaron-zerrendak txikitzea ere.

2024/09/06 - 10:19

Albiste izango dira: Ikasturtearen hasiera, Osasun bileraren erreakzioak eta Zinemaldiaren aurkezpena

Gaurkoan albiste izango direnen laburpena, bi hitzetan.

2024/09/05 - 19:32

Osasun Sailak egiturazko erreformak egitea defendatu du, Osakidetzak "etengabe okerrera" ez egiteko

Alberto Martinez buru duen Sailak "aldaketa sistemikoak" eskatu ditu, osasun-itunaren lehen bileraren partaideei igorritako txosten batean.

2024/09/05 - 19:01

Osasun-mahaiaren lehen bilera begi onez hartu dute, oro har, bertaratutakoek

Alderdi politikoek, eragile sozialek, sindikatuek, elkargo profesionalek eta unibertsitateek ontzat jo dute ekimena eta lehen bilera. Eusko Jaurlaritzak egindako lehen diagnostikoaren balizko gabeziak azpimarratu dituzte eta ekarpenak egiteko borondatea agertu dute.

2024/09/05 - 16:57

Osakidetzaren egoera irauli eta bikaintasuna berreskuratzea asmo duen osasun mahaia, abian

Bi ordu pasa iraun duen bileran, 264 orriko lan zirriborroa jarri du mahai gainean Alberto Martinez Osasun sailburuak. Osasun sistemaren etorkizuneko erronkei aurre egiteko oinarriak zehazten hasteko abiapuntua izan nahi du dokumentuak, eta eragile guztien ekarpenekin osatu nahi da.

2024/09/05 - 14:41

Aranburu: "Mahaian egoteak ez du esan nahi LAB osasunaren herri itunean egongo denik"

LABeko idazkari nagusiak argi esan du langileen borrokaren presioari esker iritsi dela Osakidetzaren egoera hobetzeko mahaia. "Aurrerapausoa" dela esan arren, helburua lortu nahi bada, "errotiko aldaketak lan-harremanetan eta politiketan" ezinbestekoak direla erantsi du.

2024/09/05 - 14:07

Hasi da Imanol Pradales buru duen osasun-itunaren lehen bilera

Bilera Bilboko Bizkaia Aretoan ari dira egiten, eta alderdi politikoak, gizarte-eragileak, sindikatuak, elkargo profesionalak eta unibertsitateak ari dira parte hartzen.

2024/09/05 - 13:48

Pradalesek azpimarratu du “epe luzerako eraldaketa” pentsatzea dela osasun-itunaren helburua

Lehendakariak ziurtatu duenez, itunak "ez du baztertu behar egunetik egunera hobetzeko konpromisoa hartzea".

2024/09/05 - 13:47

Imanol Pradalesek dio osasun-itunak ''epe luzera'' eman beharreko urratsak pentsatu behar dituela

Osasun-sistemak behar duen eraldaketarako zein pauso eman behar diren erabaki behar du osasun-ituna landuko duen mahaiak, Imanol Pradalesen hitzetan. "Hori egiteko parte guztien ekarpenak oso garrantzitsuak dira", gaineratu du lehendakariak.

2024/09/05 - 09:22

Albiste izango dira: Osasun-itunerako lehen bilera, zarata Lutxanan eta Antzar Eguna Lekeition

Gaurkoan albiste izango direnen laburpena, bi hitzetan.

2024/09/05 - 07:00

Osakidetzaren etorkizuna marrazten hasteko lehen bilera

Eusko Jaurlaritzaren arabera, Euskadiko Osasunaren etorkizunari begira oinarriak eta metodologia ezartzeko lehen hartu-emana da bilera, eta hainbat alderdi politikok, gizarte-eragilek, elkargo profesionalek, unibertsitatek eta sindikatuk parte hartuko dute, ELAk izan ezik.

2024/09/04 - 16:12

Pradales lehendakaria ''atsekabetuta'' agertu da ELArekin: ''Bere burua alboratzea erabaki du''

"Osasun itunaren mahaiak lan egiten jarraituko du, ELA egon zein ez. ELAren aulkia han egongo da herri honen osasun sistema publikoaren alde lan egiteko buzoa jantzi nahi duenerako", adierazi du Imanol Pradalesek.

2024/09/04 - 13:40

ELA: ''Horrelako itun batek propaganda helburua besterik ez dauka''

"ELAk jadanik hitz egiten du eta hitz egingo du Jaurlaritzarekin, horretarako prest dauden mahaietan. ELA ez dago prest mahai horietan akordiorik ez egotea eta inposaketak izatea, eta gero beste foro bat martxan jartzea, propagandarako helburuarekin", adierazi du Pello Igeregik.

2024/09/03 - 16:39

Jaurlaritzak "espero eta nahi" du ELA osasunaren inguruko herri-itunaren lehen bileran izatea ostegunean

Sindikatu abertzaleak bihar jakinaraziko du, ohar bidez, bileran parte hartuko duen edo ez.

2024/09/02 - 15:25

Pradalesek adierazi du ez direla osasun-itunaren zain egongo Osakidetzan hobekuntza-neurriak hartzeko

"Ezin dugu itxaron lehen mailako arreta hobetzeko edo medikuen karga burokratikoak jaisteko. Ez dugu itxarongo irailean Osakidetzan amaituko duten mediku egoiliarren % 100 kontratatzeko, ez eta itxaron-zerrendak kontrolatzeko ere", adierazi du lehendakariak.

2024/09/02 - 13:51

Osakidetzari dagokionez, Otegik' 'formetan aldaketa'' ikusten du Eusko Jaurlaritzan

"Lehen ukatu egiten zen arazoak zeudenik, eta orain onartu egiten da", adierazi du EH Bilduko koordinatzaile nagusiak. "Guk mamiari buruz egin nahi dugu eztabaida eta ikusiko dugu mamian gauzak aldatu diren edo ez", gaineratu du Otegik.

2024/09/02 - 13:12

Kataluniako itun fiskala EAEko Kontzertu Ekonomikoaren aurka ez erabiltzeko eskatu du Pradalesek

Radio Euskadin egindako elkarrizketan, EH Bilduri buruz ere mintzatu da lehendakaria. Kontraesanak ikusten ditu osasungintzaren inguruko herri-itunaren inguruan EH Bilduk duen jarreran, eta koalizioaren hitzak eta ekintzak ez datozela bat nabarmendu du.

2024/09/01 - 15:23

Bakioko eta Plentziako anbulantziak larunbat honetan zerbitzurik gabe egon zirela salatu du ESK-k

Bi herri horietan festak ospatzen ari zirelako, egoera "larriagotzat" jo du sindikatuak. Gogoratu duenez, anbulantzia zerbitzuaz arduratzen den La Pau enpresak "mota horretako 200 gertakari baino gehiago pilatu ditu abuztuan".