Gazteek bapeagailua gero eta gehiago erabiltzen dutela ohartarazi du Jaurlaritzak
Eusko Jaurlaritzaren Osasun Sailak tabakoaren erabilerari buruzko datuak zabaldu ditu gaur, Kerik Gabeko Astearen harira (maiatzaren 25etik 31ra), eta jakinarazi du zigarreta elektronikoen kontsumoa "etengabe handitzen" ari dela Araba, Bizkai eta Gipuzkoan, 15 eta 35 urte arteko gazteen artean bereziki.
Osasun Publikoko Zuzendaritzak adikzioei buruzko EAEko inkestan bildutako datuek erakusten dutenez, joera hori bereziki nabarmena da 15 eta 35 urte bitarteko gazteen artean; izan ere, zigarreta elektronikoen kontsumoaren prebalentzia %34ra iristen da batez beste, eta gizonen kasuan, ia % 40ra, ohiko tabako-kontsumoaren aldean. Azterlanaren arabera, halaber, 14 urtetik gorako biztanleen % 13,8k zigarreta elektronikoak erabili izan dituzte.
Zigarreta elektronikoetan erabilitako kartutxo-motari dagokionez, erabiltzaileen % 47k nikotinadun kargak erabili ohi dituzte. Horien kontsumoa ohikoagoa da helduen, 34 urtetik gorakoen eta erretzaileak direnen artean. Zigarreta elektronikoaren erabileraren eta beste droga batzuen kontsumoaren arteko harremanari dagokionez, zigarreta elektronikoak erabili dituzten 15-34 urteko pertsonen % 76k ere kontsumitu izan dute kalamua noizbait.
Gazteek tabakoa kontsumi ez dezaten, Osasun Sailak Euskadiko Adikzioen VIII. Plana du, 2027ra arte indarrean egongo dena, eta plan horretan jasotzen dira adingabeek tabakoa eskuratzea galarazteko neurriak zein tabakoaren kontsumoa ez normalizatzeko ekintzak.
Erabiltzaileek bapeagailuak erabiltzeko duten arrazoietako bat tabakoaren kontsumoa murriztea edo erretzeari uztea omen da, askotan uste baita baliagarriak direla horretarako. Inkestatutako helduen % 67k aitortu dute horregatik erabiltzen dutela, baina ez da zigarreta elektronikoak helburu horretarako erabilgarriak direla justifikatzen duen inolako ebidentziarik.
Bestalde, duela 3 urte sortutako Kerik Gabeko Guneen Sareak kerik gabeko gune-kopurua bikoiztu egin du urtebetean: tabakorik gabeko 706 gune izatera iritsi da, eta 65 udalerri atxiki dira sare horretara.
Era berean, tabakismoaren aurkako borrokan, Osakidetzak hamar urte baino gehiago daramatza tabakoa erretzeari uzteko ikastaroak ematen, eta 64.217 erabiltzaileri eman die arreta, banaka zein taldeka. 2024an soilik, 12.062 pertsonak utzi dute tabakoa ikastaro horiei esker; eta erabiltzaileen % 58,73 45 eta 64 urte bitarteko pertsonak dira.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.