Satse Euskadik erizainen "ezegonkortasuna eta errotazioa" amaitzeko eskatuko du astelehenean Bilbon
Satse Euskadiko erizainen sindikatuak elkarretaratzea egingo du astelehen eguerdian Bilbon, Osasun Sailaren egoitzaren aurrean, langileen ezegonkortasuna eta etengabeko txandakatzeak amaitzea eskatzeko, erizainek ez ezik, pazienteek ere pairatzen baitute, horien hitzetan, "asistentziaren kalitatearen murrizketa". Osakidetzaren aldetik "etengabeko diskriminazioak" pairatzen dituen kolektiboa "nazkatuta" dagoela esan dute.
Satsek deitoratu duenez, astelehen honetan, Erizaintzaren Nazioarteko Egunean, ez dute "ezer berririk ospatzeko", eta "euskal herritarrek merezi duten moduan zaindu" nahi dituztela aldarrikatuko dute protesta honekin.
Sindikatuak ohar baten bidez kritikatu du, Osakidetzako zuzendaritza aldatu arren, kolektiboaren eskaerak oraindik ez direla entzun, eta Osakidetzak ez diela irtenbiderik ematen. "Kontzentratzeko arrazoiak soberan ditugu, konponbideak falta zaizkigu", adierazi du Satsek, eta salatu du "hautaketa-prozesuak ebazteko moteltasuna, kontratazio negargarriak eta Osakidetzaren gelditasuna lan-ezegonkortasun larria" eragiten ari direla, eta, ondorioz, herritarrek lprofesionalen txandakatze etengabea jasaten ari direla.
"Euskal Osasun Zerbitzuan lanpostu-koderik gabeko aldi baterako 700 lanpostu inguru" zenbatuta dituela gogorarazi du Satsek, eta "onartezin" jo du egoera.
Sindikatuaren aburuz, Osakidetzak "hautaketa-prozesuen aitzakia jartzen du, baina errealitatea da lanpostu horiek funtsezkoak direla eta egonkortu egin behar direla, prekarietatearekin eta ezegonkortasunarekin amaitzeko".
Profesional askok eta askok "lanpostua etengabe aldatu" behar izaten dutela salatu dute, eta askotan ezin izaten diotela pazienteari nahi luketen jarraipena egin, "ez eta gure gaitasun profesionalak erabat garatu ere". Horren aurrean, "herritarrek lantalde egonkorrak eta kohesionatuak merezi dituzte, arreta ahalik eta onena eta osasun-planen garapen eraginkorra bermatzeko", erantsi dute.
Era berean, "Osakidetzak erizainekiko duen errekonozimendu falta eta etengabeko diskriminazioa" kritikatu ditu, "garapen profesionala oztopatzeaz gain, herritarrek merezi duten gisan lan egitea eragozten dien kristalezko sabaia ezartzen baitzaie" horien bitartez.
"Datozen urteetan erronka handiak datoz, batez ere gaixotasunak kronifikatzearekin, patologia anitzekin eta mendekotasunekin zerikusia dutenak, eta horietan funtsezko dira zainketak, erizainek gidatu behar dituztenak", Satseren arabera.
Azkenik, erizainen sindikatuak ohartarazi du, "osasun-sisteman funtsezko" diren heinean, euren gaitasunak "mugarik eta oztoporik gabe" garatu nahi dituztela "lan-ingurune seguruetan eta lan-baldintza duinetan, pertsona guztien osasuna babesteko eskubidea bermatzeko".
Zure interesekoa izan daiteke
Sara Lizeaga, medikua: "Gure aldarrikapen gehienak hemen konpon litezke, eta Jaurlaritzari dagokio hori egitea"
Medikuen Eskubideen Aldeko Elkartearen eta Medikuen Mugimendu Unitarioaren izenean, Sara Lizeaga Donostia Ospitaleko medikuak hitz egin du hedabideen aurrean, gaur arratsaldean. Esan du euren "aldarrikapen gehienak" Eusko Jaurlaritzak bideratu ditzakeela. "Osasun sailari dagokio hori egitea, Ministerioari bereak konpontzeko eskatu baino lehen", adierazi du. Halaber, ohartarazi du "greba mugagabe bat ez beste alternatibarik" ez zaiela geratzen.
Lan baldintza hobeak eskatzeko mobilizazioak hasi dituzte Elkar argitaletxeko langileek
Azken urteetan lan harremanak eta baldintzak okertu direla salatzen dute Elkar etxeko banaketako langileek. Egoera bere onera ekartzeko deia egin diote enpresari.
Medikuen sindikatuek beste solaskide bat eskatu diote Espainiako Gobernuari, akordioetarako "gaitasuna" duena
Osasun Ministerioak goizean igorritako gutunari, komunikatu gogor batekin erantzun diote sindikatuek. "Iritzi publikoa nahastea" leporatu diote Monica Garciak zuzentzen duen sailari.
EAEko Auzitegi Nagusiak finkotasuna onartu dio 1995etik aldi baterako kontratuak kateatzen zebilen Portugaleteko udal-langile bati
Langileak hautaketa-prozesu bat gainditu zuen 2022an, baina plazarik gabe geratu zen, deitutako lanpostuen kopurua azterketa gainditu zutenen kopurua baino txikiagoa zelako.
Industria ekintza politikoaren erdigunean kokatu nahi du Nafarroako Gobernuak
Gaur onartutako aurreproiektuarekin, besteak beste, teknologia, ingurugiro eta lehiakortasun mailako erronkei aurre egiteko tresnak bideratuko dira Foru Erkidegoko enpresetara.
Autonomia erkidegoek Osasun Ministerioari leporatu diote Estatutu Markoaren inguruko akordiorik ez lortzea
Espainiako Lurraldearteko Osasun Kontseiluaren amaieran Alberto Martinez Osasun sailburuak adierazi duenez, gatazkari konponbidea emateko "aukera galdu" da eta Monica Garcia Osasun ministroari leporatu dio mediku, sindikatu eta autonomia erkidegoei entzungor egitea.
Autonomia-erkidegoek Ministerioaren aurka egin dute: "Gatazkaren konponbidea Estatuan dago"
Hamasei autonomia erkidegok, horien artean Euskadik eta Nafarroak, agiri bateratu bat sinatu dute, Osasun Ministerioari eskatzeko medikuekin berriro hitz egin dezala eta bere gain har dezala Estatutu Marko berriaren inguruan sortutako gatazka konpontzeko erantzukizuna.
Alberto Martinezek 16 erkidegok dokumentu bateratua sinatu dutela jakinarazi du, osasun-arloko tirabiren erdian
Eusko Jaurlaritzako Osasun sailburuak azaldu duenez, 16 autonomia erkidegok dokumentu komun bat sinatu dute, eta Lurraldearteko Osasun Bileran lehen puntu gisa jorratuko da. Osasun Ministerioari egindako kritikak azpimarratu ditu, profesionalekin eta autonomia erkidegoekin akordiorik lortu ez izana egotzita, eta azpimarratu du ministroa "inor barik" geratu dela gatazkaren kudeaketan.
700 funtzionariori aurre-erretiroa hartzea ahalbidetuko dien Eusko Jaurlaritzaren plana, azken txanpan
EAEko administrazio orokorreko plantilla gaztetzeko eta berritzeko planaren arabera, 63 urtetik gorako 700 funtzionariok baino gehiagok erretiro aurreratua hartu ahal izango dute. Trukean, lanaldi murrizketak, egun libreak eta antzinatasunagatiko opor gehigarriak izango dituzte. CCOOk eta UGTk babesa helarazi diote, baina oraingoz ez dute akordiorik sinatu.
Monica Garcia: "Espainiako Gobernuak bere esku zegoena egin du eta orain erkidegoek dute osasun arloko gatazka onbideratzeko giltza"
Monica Garcia Osasun ministroak adierazi duenez, Espainiako Gobernuak bete egin du jada estatutu markoaren erreforman zuen egiteko zatia, eta ziurtatu du orain autonomia erkidegoei dagokiela medikuen lan-baldintzak hobetzeko erantzukizuna beren gain hartzea. Garciak azpimarratu du autonomiek dutela "gatazkaren giltza", eskumena baitute guardien ordainsariak eta lanaldiak arautzeko eta profesionalekin elkarrizketa mahaiak antolatzeko.