Joxe Azurmendi zenbait autore feministarekin elkarrizketan, Sormen Bekaren komiki irabazlean
Gizaberetxoak. Joxe Azurmendiren joanak eta etorriak Ainhoa Olaso, Usue Egia eta Mikel Urdangarinen komiki proiektu “umoretsu jostari eta zorrotzak” irabazi du Durangoko Azokaren 60. edizioko Sormen Beka, Gerediaga Elkarteak eta Mireia Elkoroiribe Durangoko alkateak gaur, Ahotsenea Literatura gunean egindako prentsaurrekoan, iragarri dutenez.
Hamabi lanen artetik epaimahaiak “aho batez” aukeratu duen “collagea” da lana, eta Joxe Azurmendi pentsalari erraldoiaren eta zenbait autore feministaren (Angela Davis, Simone Weil, Vandana Shiva, Jule Goikoetxea…) arteko elkarrizketak fikzionatzen ditu.
Gizaberetxoak gara lanean Mikel Urdangarinek ideien mailan proposatu zituen elkarrizketak gauzatu egingo dituzte hiru egileok elkarlanean, komikiaren orrietan, eta aurrez aurre jarriko dituzte, fikzioan, Azurmendi eta pentsalari feministok.
Bide horretatik, egungo hainbat gizarte auzi jorratuko dituzte lanean, “trazu txiki ez-akademizista batez”: “Oso pozik gaude, eta ondo pasatu nahi dugu komikia sortzen”, azaldu du Olasok saria jasotzeko orduan.
“Mundu intelektuala, umoretik”
Unai Iturriagak, Esti Albizuk, Ainara Azpiazu Axpik, Adur Larreak eta Garazi Arrulak osatu dute epaimahaia, eta “mundu intelektuala umoretik eta jarrera jostari batekin lantzeko asmoa” azpimarratu dute Gizaberetxoak. Joxe Azurmendiren joanak eta etorriak lana aukeratzeko arrazoien artean.
“Proiektu irabazlea, anekdota metaketa batetik harago doan arnasa luzeko egitasmo bat da, eta, alderdi grafikotik lotuta, interesgarria da formalismotik at estetika propio ez akademizista baten alde eginiko hautua, zeinak bat egin lezakeen istorioan aipatzen diren egileen jarrera intelektual ertzekoarekin”, dio ebazpenak.
Komikian, Joxe Arantzazuko santutegiko ikaslea bizitzaren zentzuaren bila abiatuko da aita hil berritan, fede krisi betean, eta aldi berean, AEBetan, Angela Davis borroka antiarrazistan aktibatu eta ibilbide politikoa hasiko du. Bi pertsonaia horien bidea batuko da, orduan, eta hainbat gizaberetxorekin topo egingo dute.
Ainhoa Olaso gidoilariaren, Usue Egia marrazkilariaren eta Mikel Urdangarin filosofoaren lanaren emaitza 2026ko Durangoko Azokan ikusiko dugu.
Heriotza
Joxe Azurmendi, euskararen eta euskal kulturaren aldeko ekintzaile nekaezina
Zegaman jaioa, Azurmendi Jakin taldeko kide aktiboa izan zen, Francoren debekuaren ondoren aldizkaria birsortu zenetik. Beste erakunde batzuekin ere kolaboratu zuen euskararen normalizaziorako, kulturan eta bakegintzan.
Zure interesekoa izan daiteke
Manuel Torres enpresaria zenari eman diote 2025eko Nafarroako Urrezko Domina
Hil ondoren eman diote aitortza, eta haren alargun Amparo Lusarretak jaso du saria, Maria Chivite Nafarroako presidentearen eskutik. Manuel Torresen semeak, Eduardo Torres Lusarretak, bere aldetik, familiaren izenean eskerrak eman dizkie Nafarroako Gobernuari eta hautagaitza proposatu zuen Nafarroako Aspace elkarteari.
Kermanen familiak samina eta haserrea agertu du Mitika diskotekako atezaina fidantzapean aske utzi ostean
Arantza Beitia Kermanen amak Radio Vitorian egindako adierazpenetan, erabakia deitoratu du, "zigorgabetasun mezua" bidaltzen ari direla uste duelako.
EAEko Auzitegi Nagusiak baliogabetu egin du Bizkaiko Foru Aldundiko herri-lanetako zeladoreen plazetan C1 hizkuntza-eskakizuna eskatzea
CC. OO. sindikatuak azpimarratu duenez, "hizkuntza- eta lan-eskubideak bateragarriak dira proportzionaltasun soziolinguistikoak errespetatuz".
Epaileak ahozko epaiketa ireki du Diaz Ayusoren bikotekidearen aurka, Ogasunari iruzur egiteagatik
Epaitegiak enpresaburuaren aurkako akusazioa egin du, Ogasun Publikoaren aurkako delitu batengatik, merkataritza-dokumentuak faltsutzeagatik, kontabilitate-delitu jarraituagatik eta talde kriminaleko kide izateagatik.
Ikusi, zuzenean, ikus-entzunezko show handia, Radio Vitoriaren 90. urteurrena ospatzeko
'Batzen gaituen ahotsa' izeneko ikuskizunak azken 90 urteetako gertaera garrantzitsuenen errepaso bisual eta erakargarria egingo du, 21:30etik aurrera, irratiaren soinuaren bidez, dantza eta musika emanaldiak biltzen dituen eszenaratzea eginda.
Gobernu Kontseiluaren osteko prentsaurrekoa
Gobernantzako, Administrazio Digitaleko eta Autogobernuko sailburu eta Eusko Jaurlaritzako bozeramailea hedabideen aurrean agertu da bileran aztertutako gaiei buruzko informazioa emateko.
Bilboko Errekalde auzoko igerilekuetan bero-kolpe batengatik ospitaleratutako mutikoa hil egin da
11 urteko haurrak konortea galdu zuen igandean, eta larrialdi-zerbitzuek suspertu behar izan zuten. Hainbat ume eta gazte artatu zituzten igerilekuetan bertan, bero-kolpeak, zorabioak eta antsietate-atakeak zirela eta.
Mutiko bat ospitaleratu dute, Bilboko Errekalde auzoko igerilekuetan bero-kolpeak jota
Igandean, hainbat ume eta gazte artatu zituzten igerilekuetan bertan, bero-kolpeak, zorabioak eta antsietate-atakeak zirela eta. Gertakaria 16:00ak aldera jazo zen, eta igerilekuak 19:30ean ireki zituzten berriro.
Euskara, katalana eta galiziera Europar Batasunean ofizialki aitortzea eskatu dute Pradalesek eta Illak
Lehendakariak eta Salvador Illak eskutitz bat sinatu dute, lau hamarkadako prozesua amaituta, Espainiako Estatuko hizkuntza koofizialak Europako erakundeetan ofizial egiteko unea iritsi dela azpimarratuz. "Berrogei urte geroago, prozesu hori amaitzeko unea iritsi da", azpimarratu dute.