Strauss-Kahn Nazioarteko Diru Funtsaren zuzendariak dimisioa eman du
Dominique Strauss-Kahn Nazioarteko Diru Funtsaren zuzendariak dimisioa eman du gaur bortxaketa saiakera leporatuta kartzelan dagoelako.
Nazioarteko Diru Funtsak zabaldu duen agirian azaldu dutenez, Strauss-Kahnek dimisioa aurkeztu dio gaur Washingtonen egoitza duen nazioarteko finantza erakundearen zuzendaritzari eta ukatu egin ditu bere kontrako salaketak gutun batean.
Strauss-Kahnek "tristezia handiarekin" hartu omen du erabakia, eta "inor baino gehiago maite" duen emaztearengatik, seme-alabengatik, familiarengatik eta lagunengatik. Strauss-Kahnek NDFko lankideak ere izan ditu gogoan: "Gauza handiak lortu ditugu azken hiru urtetan".
Era berean, dimisioa emateko erabakia erakundea babesteko erabakia ere izan dela gaineratu du, eta hemendik aurrera bere "indar, denbora eta energia guztia errugabetasuna frogatzeko" lanean gastatuko duela azpimarratu du.
Iragan larunbatean Manhattango hotel bateko langile bati sexu-erasoa egitea leporatuta atxilotu zutenetik, presioa handia izan da Strauss-Kahnek duela hiru urte eta erdi hartu zuen kargua utz zezan.
Nazioarteko Diru Funtsaren akziodun nagusia AEBetako Altxorra da eta bere idazkariak, Timothy Geithnerrek, esan zuen Strauss-Kahn ez dagoela NDF zuzentzeko "moduan". Antzeko adierazpenak egin zituen William Hague Britainia Handiko Atzerri Gaietarako ministroak, finantza gizon frantziarraren egoera "oso zaila" zela esan zuenean.
Oinordekotza
Orain, John Lipskyk hartuko du Nazioarteko Diru Funtsaren zuzendaritza behin behinean, eta oinordekotzarako lasterketa hasiko da.
Nazioarteko Diru Funtsaren zuzendaria Europakoa izan ohi da, II. Mundu Gerraren ondoren egindako akordio batengatik Munduko Bankuaren presidentea beti izango baita AEBetakoa.
Baina Europaren monopolioa kolokan egon liteke susperraldian dauden herrialdeek egungo sistema aldatu nahi dutelako.
Aske utz dezakete
Dominique Strauss-Kahn Nazioarteko Diru Funtsako (NDF) zuzendaria bermepean aske utz dezakete gaur, osteguna, CNN telebistak jakitera eman duenez.
Politikari frantziarraren defentsa datozen orduetan Manhattango Fiskaltzarekin akordio bat lortzeko lanean ari da, findatza bat ordaindu ostean Strauss-Kahn Rikers Islandeko espetxetik ahalik eta azkarren ateratzeko, abokatuetatik hurbil diren iturriek azaldu dutenez.
Iturri berdinen arabera, Strauss-Kahn "ahalik eta azkarren" Rikers Islandeko espetxetik ateratzea eskatuko du defentsak. Kartzelako egonaldia politikari frantziarraren "osasunarentzat txarra" izaten ari dela argudiatuko dute abokatuek. Era berean, beste akusatu batzuekin alderatuta Strauss-Kahnen egoera "diskriminazio" bat dela uste du defentsak.
Zerbitzariaren abokatua
Zerbitzariaren eta Dominique Strauss-Kahnen artean adostutako sexu-harremanik izan ez zela ziurtatu du gaur Jeffrey Shapiro emakumearen abokatuak.
"Adostutako sexua izan zirela esatea gezurretan aritzea del uste dut", adierazi du Shapirok, NBC telebistan egindako adierazpenetan. New Yorkeko luxuzko hoteleko langilea ordezkatzen Shapirok.
"Hoteleko logela horretan adostutako ezer gertatu ez" zela nabarmendu du emakumearen defentsak, Strauss-Kahnen abokatuari erantzunez.
Zaintza berezia
Dominique Strauss-Kahn Nazioarteko Diru Funtsaren zuzendariari zaintza berezia jarri diote New Yorkeko Rikers Island presondegian ez dezan bere buruaz beste egin, NBC telebista-kate estatubattuarrak jakitera eman duenez.
Erregimen berezi horrekin, guardiek 15 edo 30 minutuan behin egiaztatuko dute Strauss-Kahn osasun egoera onean dagoela. NBCk zabaldu duenez, material bigunarekin estalitako ziega batean dago eta lokarririk gabeko oinetakoekin. Kartzelako mediku departamentuko langile batek agindu zuen neurri horiek jartzea badaezpada ere.
"Legez presoen osasun historialak sekretukoak badira ere, preso guztiei protokolo berbera jartzen diete eta horren arabera, presoak bere buruari edo gainerako presoei egin diezaieketen kaltearen neurrikoa izango da prebentzioa", departamentuaren bozeramailearen esanetan.
Albiste gehiago ekonomia
Zuhurtzia eta itxaropena Balenciaga ontziolaren erosketaren aurrean
Zumaiako ontziola itxieratik salbatzear egon liteke Arabiar Emirerri Batuetako talde batek erosteko interesa agertu ostean. Albiste horren aurrean, Enpresa Batzordea eta Eusko Jaurlaritzako Industria sailburua baikor agertu dira. Hala ere, tentuz ibiltzeko eskatu dute, erosketa oraindik ez baitago itxita. Zumaian ere poza eta esperantza zabaldu ditu berriak.
Epaileak Balenciaga ontziola erosteko baimena eman die Abu Dhabi Ports eta Premier Marine enpresei
Eragiketa gauzatzen bada, 2024tik indarrean dagoen hartzekodunen konkurtsoari amaiera eman ahal izango dio Zumaiako enpresak.
Gasteizko lorezainen greba "ahalik eta lasterren" amaitzea espero du Etxebarriak
Maider Etxebarria Gasteizko alkatea "baikor" agertu da lorezainen grebaren amaieraren inguruan, "ahalik eta lasterren" amaitzea espero baitu.
Euskadira iritsiko den zenbatekoa jakin zain, Eusko Jaurlaritzak txalotu egin du elektrifikazioan aurreikusitako inbertsioa
Mikel Jauregi Industria sailburua pozik agertu da Rajoyren garaian ezarritako inbertsio-mugak ezabatzeko formulak aurkitu dituelako Espainiako Gobernuak, eta, aldi berean, positibotzat jo du inbertsio-hazkundea neurri handi batean industriari zuzenduta egotea. Datorren astean aldebiko bilera bat egingo dute bi administrazioek, proposamenaren xehetasunak zehazteko.
Espainiako Gobernuak 13.590 milioiko inbertsioa proposatu du sare elektrikoan 2030era arte, % 65 gehiago
Proposamenaren arabera, 14 aldiz handiagoa izango da kontsumitzaile berrientzako garraio-sarerako sarbidea, 27,7 gigawattera arte (GW), eta garrantzi berezia izango dute industriak (9 GW), hidrogeno berdeak (13,1 GW) eta datu-zentroek (3,8 GW). Sorreran, 150 GW fotovoltaiko, 60 GW eoliko eta 100 GW biltegiratze baino gehiagoko eskaerak erregistratu dira.
Gasteizko lorazainek 5.000 sinadura aurkeztu dituzte gatazka konpontzeko bidean Udalaren "benetako inplikazioa" eskatzeko
Martxotik greban dauden Enviser enpresako enpresa batzordeak 5.098 sinadura eraman ditu gaur San Martingo udal bulegoetara. Gasteizko Udalaren inplikazio handiagoa eskatu dute langileek, eta herritarrengandik jaso duten babesa eskertu dute.
KPIa hamarren bat hazi da Euskadin, % 2,8raino, eta bi hamarren jaitsi Nafarroan, % 2,5eraino
Urte arteko tasan, ordea, bi hamarren jaitsi da prezioen indize orokorra Euskadin abuztuan.
Sabadelleko kontseiluaren arabera, BBVAren eskaintza ez da nahikoa, eta ez onartzeko gomendatu die akziodunei
Horren ustez, akzioak erosteko eskaintza "oldarkorra" da, "ez du bankuaren akzioen berezko balioa behar bezala jasotzen", eta Sabadellen proiektua "nabarmen gutxiesten du".
Merkatuek esperotakoa betez, % 2an mantendu ditu EBZk interes-tasak
Europako Banku Zentralak berretsi du inflazioa % 2ko helburuan egonkortzeko "erabakia" duela epe ertainera, eta, horretarako, tasak finkatzeko orduan, datuen araberako ikuspegia "bileraz bilera" aplikatuko dela.
Eusko Jaurlaritzak siderurgiako, makina-erremintako eta automobilgintzako muga-zergei buruzko mahaiak jarriko ditu martxan
Muga-zergen maparen "azken argazkiaren" faltan, Eusko Jaurlaritzaren kalkuluen arabera, EAEk AEBra egiten dituen esportazioek 349 milioi euro inguruko gainkostua izan dezakete, eta salmentek 700 milioi euro inguru egin dezakete behera, BPGa % 0,33 jaitsita. Salmenten murrizketa % 22-27koa izango litzateke kaltetutako produktuetan.