Navaleko sindikatuek akzioak erosteko eskatuko diote Gobernuari
Navaleko enpresa batzordeak zuzendaritzak azaroaren 1etik 2012ko uztailera arte ezarri nahi duen lan erregulazioa ukatu egin du, eta hurrengo ostegunean Eusko Jaurlaritzarekin izango duen batzarrean Socade sozietatearen bitartez instituzio horren akzionista izatea eskatuko dio, komite horretako Txema Velón kideak azaldu duenez.
Velónen ustez, " ez dago azpiaktibitate nahikorik" Navaleko zuzendaritzak enplegu erregulazioko espedientea martxan jarri eta 167 pertsona kalean uzteko.
Sektore honek jasotzen dituen pizgarri ekonomikoak gelditu diren unean, ordezkari sindikalek uste dute "erregulazio espediente hauek ez direla momentu honetako lan kargaren arabera aurkeztu behar, baizik eta ontziolaren etorkizunaren arabera".
Zentzu horretan, eta behin kontsulta epea zabalik dagoela, konpainiarekin batzar bat izatea da ordezkari sindikalen hurrengo helburua, lan erregulazio horren kontrakoak direla erakutsi, eta bide batez Eusko Jaurlaritza Navaleko akzionarioan sartzea "kondizto sine qua non" bat dela argituko diote. Akzio horiek erosteko, Socade sozietatearen bidez egitea eskatuko diote, bertan hiru Diputazio Foralak eta exekutibo autonomikoak parte hartzen baitute.
Zehazki, hurrengo ostegunean bilduko dira Socade sozietateko Juan Garayar zuzendariarekin. Bertan, planteatutako eskaera berdinak egingo dizkiote, bere planteamenduak entzuten dituzten bitartean.
Autoritate komunitarioek baimendu beharko dute Navalen gerta daitekeen diru publikoaren sarrera. Horrez gain, Construcciones Navales del Nortek (CNN) ere baimendu beharko du operazioa, beraiek baitira akziodun nagusiak.
Horregaitik, "baloia enpresaren teilatuaren gainean" dagoela esan du enpresako komiteko ordezkariak. " Eginbeharreko gestua beraiek egin beharko dute" zehaztu du.
Velónek ohartarazi du "hurrengo egunetan gertatzen denaren arabera" erabakiko dutela aurrerantzean zer egin.
Albiste gehiago ekonomia
BBK Live jaialdiak 23,6 milioi euro baino gehiago utzi ditu Bilbon
115.000 parte-hartzaileen artean, % 17 atzerritarrak dira, batez ere Erresuma Batutik, Frantziatik, Italiatik eta Portugaldik etorritakoak. Gainera, hotelen okupazioa % 90etik gorakoa izan da musika jaialdiak iraun duen bitartean.
ELAk eta LABek ziurtatu dute Torresek proposatutako gutxieneko soldataren igoerak 10.000 langileri bakarrik eragingo liekeela
Uste dute proposamenak ez dituela kontuan hartzen enpresek azken urteetan lortutako irabaziak, ezta beren plantillek sortzen duten produktibitatea ere, eta, horrenbestez, helburua ez dela "gizarte-kohesioa, ezta aberastasunaren banaketa justua ere".
BSHko langileek datorren astean bozkatuko dute lan- erregulazioko espedienteari buruzko aurreakordioa
Enpresa batzordearen gehiengoak (LABek eta ELAk, ez) aurreakordioa lortu du aste honetan zuzendaritzarekin, eta, horren arabera, lantegia itxi eta 609 pertsona kaleratuko dituzte. Langileen ordezkariek deituta, batzarrak egingo dituzte ostiral honetan, eta bozketa, ziurrenik, astelehenean egingo dute.
Langile bat hil da Gasteizen teilatu batetik erorita
Istripua asteartean gertatu zen, baina gaur eman da jakitera. Langilea 7 metroko altueratik erori zen.
Bruselak espedientea ireki dio Espainiari, BBVAk Sabadellen akzioak eskuratzeko operazioan erabilitako legeengatik
Europako Batzordearen ustez, kapitalen zirkulazio askearen aurkakoak dira Espainiako Gobernuak operazio hau baldintzatzeko erabili dituen legeak. Eta 2 hilabeteko epea eman diote Espainiako Gobernuari azalpenak emateko.
Portugalete eta Leioa lotuko dituen ibai azpiko errepideak 2026ko lehen seihilekoan hasiko dira, 543 milioiko aurrekontuarekin
Elixabete Etxanobe Bizkaiko diputatu nagusiak defendatu duenez, itsasadarraren azpiko tunela "ez da ez kapritxo bat, ezta burutazio bat ere", eta bai, ordea, lurraldearentzako "behar bat".
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.