Kutxabank: euskal kutxen legeak aldaketak ekar litzake
Kutxabanken jaiotzan ezustekoa izan da: Banku berriak uste baino kontseilari gutxiago izango ditu: 15, eta ez 20, hasieran uste bezala. Euskal kutxek aldaketa hori onartu dute euren zuzendaritza-kontseiluen batzarretan. Gauzak horrela, BBK-k Kutxabanken izango dituen bederatzi kontseilariak izendatu ditu, Gipuzkoako Kutxak dagozkion laurak; eta Vital arabarrak, bi.
15 kontseilari horien artean Mario Fernandez dago, BBK-ko presidentea eta Kutxabankekoa izateko proposatu dutena; Xabier Iturbe, Kutxako presidentea, lehen presidenteordea izango da; eta Carlos Zapatero, Vitaleko presidentea, bigarren presidenteordea izendatuko dute.
Administrazio Kontseilu murriztu honek ez du, antza, luzaro iraungo. Aurreikuspenen arabera, apirilean, beranduen, Legebiltzarrak euskal kutxen legea onartuko du eta lege horrek kutxen ordezkaritzan egungo proportzionaltasun politikoa zuzentzen dituzten irizpideak aldatuko ditu.
Ondorioz, kutxetako asanbleak eta zuzendaritza-organoak berritu egin beharko dira, Kutxabankekoa barne, eta euskal sozialistei eta Bilduri eskainitako ordezkaritza handiagoa izango da. Beraz, bi alderdi horiek zuzendaritza-kontseiluetan sartu ahal izango dira.
Hala ere, momentuz, Kutxabankeko zuzendaritzaren lehen bilera astelehenean, urtarrilaren 2an, egingo dute, Bildu eta sozialisten ordezkaririk gabe.
Zure interesekoa izan daiteke
CCOOk euskara ikasteko denbora eta baliabideak eskatu ditu eta euskarafobia dagoela ukatu du
Euskadi Irratian egin dioten elkarrizketan, Iñigo Garduño CCOOren komunikazio idazkariak langileak auzitegietan defenditzeko egindako bidea azpimarratu du. Halaber, adierazi du ez direla aritu euskararen kontra, euskara ikasteko baliabideak eskatzen baizik.
EAEko arrantzaleek antxoa-kuota ia osoa agortu dute eta hegaluzearen kosteraren buru dira
Esleitutako antxoa-kuotaren %98,4 harrapatu du dagoeneko, eta Estatuan arrantzatutako hegaluzearen hamar kilotik sei euskal ontziek lehorreratu dituzte.
Azkoyen enpresa erosteko 244,5 milioi euroko eskaintza egin du Ohmnia taldeak
Eskaintzaren sustatzaileen ustez, operazioa ezagutza partekatzeko eta industria-irtenbide aurreratuagoak eta balio erantsi handiagokoak garatzen laguntzeko aukera bat da.
ELAk mobilizazioak iragarri ditu udazkenerako, Osakidetzako kolektibo guztien lan-baldintzak negoziatzeko
Sindikatuak 17 urte baino gehiago dituen Lan Baldintzak Arautzeko Akordio zaharkitua berritzeko exijitu du, eta diskriminaziorik gabe negoziazioak hasteko deia egin du.
Guardiak turismo tasari buruzko lehen ordenantza onartu du Euskadin
Arabako udalerriak foru arauak aurreikusitako tarteen erdi-goiko mailan kokatutako zenbatekoa aplikatuko du.
Euskadiko langabezia tasa % 6,9ra igo da bigarren hiruhilekoan, eta 74.500 langabe daude
Landunak 3.000 gutxiago dira, eta langabeak, berriz, 13.200 gehiago, aurreko urteko hiruhileko bereko datuekin alderatuta.
Tubacexek % 95 txikitu ditu etekinak lehen seihilekoan, 900.000 euroraino
Hodiak egiten dituen Arabako enpresaren salmentak % 10,5 jaitsi dira aurtengo lehen seihilekoan iazko epe bereko datuekin alderatuta, 361,6 milioitik 323,6 milioira.
Europako Banku Zentralak euro-billete berrietarako aurrez hautatutako diseinuak aurkeztu ditu
Diseinu berriari buruzko behin betiko erabakia urte amaieran hartzea aurreikusten du Gobernu Kontseiluak. Orduan hasiko dira billeteen garapena eta ekoizpena, baina urte batzuk igaro beharko dira herritarren artean zabaldu arte.
Repsolek 2.201 milioi euroko irabaziak izan ditu urteko lehen seihilekoan
Energia-konpainiak irabazi gehiago izan ditu, neurri batean, bere biltegietan zituen petrolio eta produktu finduen balioa handitu delako. Petrolioaren prezioa igo denez, konpainiak aurretik erositako edo gordetako produktu horiek gehiago balio dute orain. Horrek 823 milioi euroko eragin positiboa izan du emaitzetan.
Mercedes-Benzek tenperatura altuekiko duen jarrerak langileen osasuna arriskuan jartzen duela salatu dute ELA, LAB eta ESK sindikatuek
Sindikatuek tenperatura altuetarako protokolo bat eskatu dute. Kritikatu dutenez, enpresak "ez du nahikoa neurri hartzen" beroagatiko alerta-egunetan "pertsonentzako ingurumen-baldintza egokiak ziurtatzeko".