Almunia Bankiari laguntzearen alde, baina 'baldintzak' jarrita
Joaquin Almunia Europako Batzordeko presidenteordea Bankiari diru publikoarekin laguntzearen alde agertu da, baina "berregituraketaren eta sakrifizioen inguruan baldintza zorrotzak ezarrita". Hori dela eta, dirua "etorkizunean erabat bideragarria eta kaudimenduna izatearen truke" eman behar dela erantsi du.
Hala mintzatu da Almunia bankuari diru publikoarekin laguntzeko aukeraren inguruan Radio Euskadin emandako elkarrizketa batean. Bankia Espainiako hirugarren finantza erakunderik handiena dela nabarmendu du komisarioak.
Europan diru publikoa jasotzen ari diren 60 banku baino gehiago daudela esan du Almuniak. Bere ustez, "dirurik ez ematea astakeria bat izango litzateke, izan ere, egun dugun krisia baino larriago baten biktima izango ginateke guztiok", erantsi du.
Bestalde, Almuniak azpimarratu duenez, "ezin da ziurtzat jo" Europar Batasunak Espainiaren defizitaren helburua murriztuko duenik.
Datorren maiatzaren 23ko goi-bileraz ere hitz egin du Almuniak. Europar Batasunak hazkuntza ekonomikoa sustatzeko neurriak martxan jarriko dituela adierazi du, baina estrategia horrek egungo politika ekonomikoa "osatuko" duela azaldu du.
Hala ere, bilera horretan François Hollande Frantziako presidente berriaren presentziak "Europako hazkuntzaren inguruko eztabaidan aldaketa" ekarriko duela nabarmendu du Almuniak.
Zure interesekoa izan daiteke
Ertzaintzaren lan eskaintzaren lehen probak atzerapenarekin abiatu dira, espero baino jende gehiago aurkeztu baita
Aurreikusitakoa baino ordu eta laurden geroago hasi dira azterketak, leku eta proba gehiago prestatu behar izan dituztelako (hautagaien % 70 aurkeztu ohi da; gaurkoan % 85etik gora izan dira bertaratutakoak). Segurtasun Sailak ohar bidez azaldu duenez, sindikatuei gertatutakoaren berri eman zaie. Legebiltzarrean agerraldia eskatu du Sailak azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".
Miren Arzalluzek "oso positibotzat" jo du Euskadin zerga turistikoa ezartzea
Miren Arzalluz Bilboko Guggenheim museoko zuzendari nagusiaren arabera, bisitarien eta egoiliarren arteko "bizikidetza" sustatzeko baliagarria izango da. Radio Euskadin egindako elkarrizketan esan duenez, "zerga turistikoa ez da zerbait berria", XIX. mendean indarrean baitzegoen Biarritzen.
Mercedes-Benzek bere ekoizpena etengo du bihar, Leonardo ekaitzak eragindako hornidura faltagatik
Enpresak azaldu duenez, Gibraltarko itsasartean itsas trafikoa geldiarazten ari dira denboralearen ondorioz. Horregatik, larunbat goizeko txandan jarduera etetea erabaki du.
Baso-langile bat hil da Zornotzan, zuhaitz batek kolpatuta
Lan-istripua 18:30 aldera gertatu da, eta, osasun-langileak bertaratu diren arren, ezin izan dute ezer egin haren bizitza salbatzeko.