Gaur izendatuko dute Goirigolzarri Bankiako presidente
Litekeena da gaur bertan izendatzea Jose Ignacio Goirigolzarri Bankiako presidente berria. Bankiaren eta BFAren Administrazio Kontseilua bihar bertan bilduko, eta, erakundeko iturriek jakitera eman dutenez, bilera horretan bertan onartuko lukete Ratoren dimisioa.
Izendapena ostiralean izango zela zabaldu den arren, prozesua bizkortu eta bihar bertan izendatu dezakete Goirigolzarriren Bankiako presidente berria.
Goirigolzarri, eskarmentu handiko bankari bat Bankiarentzat
Jose Ignacio Goirigolzarri bankuen sektorera itzuliko da, hiru urteren ostean, Bankian Rodrigo Rato ordezkatzeko.
'Goiri' (hala deitzen dute) BBVAko kontseilari delegatua izan zen 2001etik 2009ra, eta Espainiako Gobernuak finantzen sektorean erreforma sakona egingo duen eta Bankia merkatuen jomugan dagoen honetan hartuko du bankuaren buruzagitza.
Bankiak 37.500 milioi euro inguru ditu higiezinen sektorean eta, beraz, krisi ekonomikoak kalte handia ekarri dio.
Ratok berak proposatu du haren izendapena, "egokiena" dela iritzita.
Gobernua eta Espainiako Bankua Bankia erreskatatzeko plan bat aztertzen ari dira, eta baliteke diru-publikoa ematea zeregin horretarako.
Goirigolzarri (58 urte) Bilbon jaio zen, eta Zientzia Ekonomikoetan lizentziaduna da Deustuko Unibertsitatean. Leedseko (Erresuma Batua) unibertsitatean ere ikasketak egin ditu.
BBVAn 30 urteko ibilbidea egin du, eta 2009an utzi zuen. Haren irteerak, gainera, polemika handia piztu zuen, 3 milioi euroko biziarteko erretiroa jaso behar baitzuen.
Goirigolzarri BBVn zeuden eta Argentariarekin bat egin eta gero erakundetik alde egin zuten euskal akziodunen azken zuzendaria izan zen.
Haren arrakasta nagusietako bat "Libretoia" izan zen, 750.000 bezero berri erakarri zituen produktu bat, opariak eta zozketak egitea oinarri zuena.
Une honetan, Zuzendaritzaren Garapenerako Elkarteko (APD) kontseilaria da, Zuzendarien eta Exekutiboen Konfederazio Espainarreko (CEDE) patroia, eta Deusto Business Schooleko presidenteordea.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.