Erreskate funtsak bankuei zuzenean laguntzea proposatu du Europak
Erreskate funtsak bankuei zuzenean laguntzea proposatu du Europako Batzordeak, eta, horrela, Euroguneko ''banku sistemaren batasuna'' sustatzea. Egun, estatuen bidez eskaini behar zaie laguntza hori bankuei.
"Bankuen eta estatuen arteko harreman zuzenarekin bukatzeko kontuan hartu beharreko aukera da'', esan du Europako Batzordeak, Eurogunearen inguruko txostenean.
Jose Manuel Durao Barroso Europako Batzordeko presidenteak ''mota guztietako malgutasun neurriak erabiltzea'' garrantzitsua dela esan du txosten hori aurkezteko egin duen prentsaurrekoan.
Banku sistema bateratuaren beharra
Europako Batzordearen ustez, krisiak banku sistemaren batasuna atzeratu du, eta prozesu hori bizkortzeko ''garrantzi handiko pausoak ematea'' beharrezkoa izan daiteke. Krisia hasi aurretik, Batzordeak aitortu zuen egungo banku sistemak euroaren batasunari kalte egiten diola.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea