Arrisku-saria 500 puntutik behera, azken 11 egunetan lehen aldiz
Espainiako arrisku-saria 500 puntuko mailatik behera kokatu da asteazken honetan, azken 11 egunetan lehen aldiz.
Jardunaldia 507ko mailan abiatu ondoren, 494 puntuan itxi du eguna arrisku-sariak. Merkatuko datuen arabera, joan den maiatzaren 25etik 500 puntutik gora ibili da aldagai hori.
Ostegun honetan, bestalde, zorra jarriko du merkatuetan salgai Espainiako Altxor Publikoak. Jaulkipen ezberdinak egingo dituzte, horietako bat hamar urtera, eta 2.000 milioi euro biltzea espero dute.
Espainiako burtsak % 2,41eko igoera izan du asteazken honetan, eta aste hasieran galdutako 6.400 puntuko maila eskuratu du berriz. Urteko laugarren igoerarik handiena da.
IBEX 35ek 151,10 puntu irabazi ditu, eta 6.418,90ko mailan itxi du jarduna. Urteko galerak % 25,7koak dira.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea