Espainiak ez du neurririk hartuko bankuen inguruko txostena izan arte
Espainiako Gobernuak ez du bankuei laguntzeko neurririk bultzatuko, finantza sistemari buruzko azterketak ezagutu arte, gaur Luis de Guindos Ekonomia ministroak berretsi duenez.
Bankuei laguntzeko Bruselatik etor daitekeen azken saiakera bankuei behin behineko mailegua ematea da, baina Espainiako Gobernuak uko egin dio orain arte.
Espainiako finantza sistemari buruzko bi kontu-ikuskapen eskatu ditu Gobernuak. Horrez gain, astelehenean Nazioarteko Diru Funtsak Espainiako egoeraren inguruko txostena zabalduko du. Datu horiek eskuan izan arte, Rajoyren Exekutiboak ez du erabakirik hartuko.
Bestalde, "merkatuak itxita ez daudela frogatzeko", biharko enkanteari arreta jartzeko eskatu du De Guindosek. Horren hitzetan, Exekutiboaren aurreikuspenak "bete egingo dira”.
Berlin, datu gehiagoren zain
Alemaniako Gobernuak Espainiako banketxeek zenbat kapital behar duten jakin nahi du arazoa konpontzeko tresnen inguruan eztabaidatzen hasi aurretik, adierazi du gaur Martin Kotthaus Finantza Ministerioaren bozeramaileak.
Hartzen den erabakia Espainiako Gobernuaren esku dagoela berretsi ostean, Kotthausek esan du ez duela "zentzurik espekulazioak egitea kopuru zehatzak jakin arte".
"Espainiako Gobernua beharrezko guztia egiten ari da bere banketxeek behar duten kapitala jakiteko. Kopuruak jakiten direnean, Espainiako Gobernuak bere erabakiak hartuko ditu", gaineratu du bozeramaileak.
Frantziak dio Espainiak eskatzen badu, badaudela mekanismoak
Pierre Moscovici Frantziako Finantza ministroak, bere aldetik, Europak "elkartasun tresnak" dituela gogorarazi du eta Espainiak eskatzen badu, bertako banketxeak berehala kapitalizatu daitezkeela.
"Espainiako Gobernuak nahi badu, bere kasa hartzen badu erabakia, oso azkar erabil ditzakegun elkartasun neurriak har ditzakegu", adierazi du Moscovicik prentsaurreko batean.
Ministro frantziarrak azaldu du arratsaldean Luis De Guindos Ekonomia ministroarekin bilduko dela eta "eztabaida sakona" izango dutela. Gainera, banketxeen sektorean Espainiako Gobernuak egin duen erreforma "bide onean" doala azpimarratu du.
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.