Auzitegi Nazionalak M-15en kereila onartu eta Bankia auzipetu du
tegi Nazionalak M-15 mugimenduak aurkeztutako kereila onartu du eta Rodrigo Rato Bankiako presidente ohia eta administrazio kontseiluko kideak auzipetu ditu, besteak beste, inbertsioak egiteko iruzur egiteagatik.
Fernando Andreu Auzitegi Nazionaleko epaileak berretsi du erabakia eta UPyDk aurkeztutakoari batuko dio kereila, izan ere, "antzekotasuna" dutela uste du, baina delitu gehiago gehituko dizkio.
Fiskalaren iritziaren aurka hartu du erabakia. "Zehaztu gabeko delituengatik ezin dira kereilak onartu", fiskalaren ustez, eta horregatik, M-15 mugimenduak ezin zuela akusazio partikular gisa aurkeztu argudiatu zuen. Auzitegi Nazionalak, ordea, onartu egin du.
M-15 mugimenduaren ekimenak 19.000 euro lortu zituen 24 ordu baino gutxiagoan, eta besteak beste, "15MpaRato", "Herritarren Erreskate Plana", "Zorraren Herritarren Kontu Ikuskaritza Plataforma" eta Kataluniako "Iaioflautas" mugimenduen babesa du.
Kereila jarri duten taldeek beste aurrezki-kutxen buruzagien aurka ere ekintzak iragarri dituzte, baita "politikari batzuen" aurka ere, nahiz eta azken hauek zein izan daitezkeen ez duten zehaztu. "Hau hasiera baino ez da", adierazi dute.
Ratok "lehenbailehen" Kongresuan hitz egitea eskatu du
Rodrigo Rato Bankiako presidente ohiak Kongresuan hitz egitea eskatu du, entitatearen presidente izan zeneko kudeaketa azaltzeko.
Urtebete eskas egon zen entitatearen buru Ignacio Goirigolzarrik kargua hartu eta 19.000 milioi euroko laguntza eskatu zuen arte.
Caja Madrideko presidente gisa, Ratok Bancaja, Caja de Canarias, Caixa Laietana, Caja Rioja, Caja Avila eta Caja Segovia batzea sustatu zuen eta era honetan, BFA Banco Financiero y de Ahorro Bankiako filiala eratu zuen.
24 goi-kargudunek Kongresuan hitz egingo dute
24 goi-kargudun eta aurrezki kutxetako arduradunek Kongresuan hitz egiteko eskatu du PPk. Era honetan, Ekonomiako Batzordearen aurrean azalpenak eman beharko dituzte uztailetik aurrera.
Alfonso Alonsok iragarri du, eta besteak beste, José Ignacio Goirigolzarri egungo Bankiako presidenteak, Rodrigo Rato presidente ohiak, Luis María Linde Espainiako Bankuko gobernadoreak, eta esku hartu behar izan duten kutxetako zuzendariek hitz egingo dute.
Halaber, aurreko gobernuko presidenteorde ohiak ere deitu ditu PPk. Horien artean, Pedro Solbes eta Elena Salgado, Jose Manuel Campa eta Fernando Jiménez Latorre Ekonomiako Estatu idazkariak
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.