Bengoa: 'Koordainketak ez du eragina izango pentsiodunen poltsikoetan'
Rafael Bengoa Eusko Jaurlaritzako Osasun sailburuak iragarri du sendagaien koordainketak ez duela "eraginik" izango "pentsiodunen poltsikoetan", eta abuztuan "orain arte bezala" salduko dituztela sendagaiak.
Bengoak agerraldia egin du gaur goizean, Auzitegi Konstituzionalaren erabakia baloratzeko. Hain zuzen ere, Konstituzionalak onartu egin du Gasteizko Gobernuak osasun arloko murrizketak geldiarazteko publikatutako dekretuaren aurka Espainiako Gobernuak jarritako helegitea, eta, ondorioz, dekretua bertan behera geratu da, behin-behinean, eta koordainketa halabeharrez ezarri beharko da EAEn.
Osasun sailburuak baieztatu du Jaurlaritza koordainketa orekatzeko neurriak aztertzen ari dela, baina ez du aurreratu nahi izan nolakoak izango diren.
Bengoak adierazi du oraindik ez dutela jaso auzitegiaren autoa, baina jaso eta gero alegazioak aurkeztuko dituztela jakinarazi du. Gainera, behin betiko ebazpena heldu arte, Konstituzionalak koordainketa ez ezartzea onartzea espero duela esan du.
Hori horrela, irailean jarraitu beharreko hurrengo urratsak azalduko dituela aurreratu du. "Egun koordainketa ezartzeko sistema sortzen ari dira, eta, ondo egiteko, bizpahiru hilabete pasatu beharko dira", zehaztu du.
Konstituzionalak 20 egun eman dizkio Jaurlaritzari, Mariano Rajoyren Gobernuaren neurria ez ezartzeko argudioak aurkez ditzan. Auzitegiak 5 hilabeteko epea du erabakia berresteko, hau da, koordainketa ezartzera behartu edo ez erabakitzeko.
Zure interesekoa izan daiteke
Euspelek irabazi ditu Ertzaintzaren hauteskunde sindikalak, eta 20 delegatu izango ditu
Esanek ere 20 delegatu izango ditu, bigarren indar gisa kokatuta. ErNE, azken bi hamarkadetan Euskal Autonomia Erkidegoko polizia autonomikoan gehiengoa izan duen sindikatua, hirugarren postuan geratu da.
Greba Batzordeak eta Osasun Ministerioak elkarrizketei ekin diete berriro, bi asteko grebaren ostean
Alderdi guztien elkarrizketarako borondatea eskatu dute, Estatutu Markoa lortzeko.
Bilboko Aireportuko ‘handling’ zerbitzuek greba egingo dute, Aste Santuaren ateetan
Maletak eramateaz eta aireportuetako beste zerbitzuez arduratzen den Groundfroce enpresako langileek lanuzteak egingo dituzte astelehen, asteazken eta ostiralean, hitzarmen kolektibo berriaren negoziazioaren barruko desadostasunak direla eta.
52 urteko gizon bat hil da Valtierran, lan-istripuz
Ezbeharra hondakinak kudeatzeko enpresa batean gertatu da, Nafarroako udalerriko abeltzaintza-industrialdean. Lehen ikerketen arabera, kargatzeko pala batek jo du langilea.
Tubos Reunidosek hitzarturiko kaleratzeekin bat egin dezaten eskaini die finko bihurtutako 42 langileei, aldi baterako langileen baldintzekin
Lan Ikuskaritzak, asteazkenean batzordearekin eta enpresarekin egindako bilera batean, Tubos Reunidosek lege iruzurrez egindako 42-47 behin-behineko kontratu atzeman zituen. Hori dela eta, enpresak finko egin behar izan ditu langileak. Sindikatuek azaldu zutenez, enpresak martxoaren 31ra arte luzatu zituen kontratazio horiek.
Ertzaintzan hauteskunde sindikalak egingo dituzte gaur, lantaldea handitzeko eskaera mahai gainean dutela
Botoa emateko eskubidea duten 7.078 ertzainek 60 ordezkari aukeratu beharko dituzte: 17 Araban, 23 Bizkaian eta 20 Gipuzkoan.
Brent upela % 2 igo da, 104 dolarreraino, Irango gatazkaren eboluzioaren zain
Asteazkenean, % 2,17 jaitsi zen, gerrari amaiera emateko negoziazioek aurrera egiteko aukerak bultzatuta, eta AEBk Irani ebazpen-plan bat proposatu baitzion. Iranek plana onartu ez, eta berea aurkeztu du.
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.