Etxegabetzeen inguruko desadostasunak nagusi Senatuan
PPren eta PSOEren artean akordio batera iristeko zailtasunak agerian gelditu dira Senatuan, etxegabetzeen inguruan bi alderdiek dituzten desadostasunak nabarmenak baitira.
Etxegabetzeen arazoari konponbidea aurkitzeko orain egun batzuk hasi ziren Gobernuaren eta PSOEren arteko bilerak, ostegunean Gobernuak auzi horren inguruko errege lege-dekretua onartu nahi baitu.
Epe motzera neurriak hartzea premiazkoa dela adostu dute, eta baita kaleratzeak bi urtez atzeratzea ere. Sozialistek, ordea, Hipoteken Legean aldaketak egin eta behin-behineko alokairu sozialaren laguntza jaso ahal izango dutenen muga igo nahi dute, PSOEren iturrien
PSOEk proposatutako gaiak eztabaidatzeko prest daude Gobernuan, baina ez dute negoziaketa luzatu nahi, bertako iturriek azaldu dutenez.
Gaur, bi aldeek planteamendu berak egin dituzte Senatuan. Juan Manuel Fernandez sozialistak etxegabetzeak ekiditeko hainbat neurriren mozio bat defendatu du, "beharrezkoak izango liratekeen lege guztiak aldatzeko aukerarekin".
Alderdi Popularrak ordea, bi urteko luzapena nabarmentzen duen zuzenketa bat sartu nahi du batetik, eta Bankuen Praktika Onen Kodearen mugak handitu nahi ditu bestetik.
PSOEk Alderdi Popularraren zuzenketa baztertu du eta azken honek mozioaren aurka bozkatzea erabaki du.
Zure interesekoa izan daiteke
Petronorreko aldagelen aldaketa baliogabetu du Bilboko epaitegi batek
Enpresak iragarri du auzitegiaren erabakiaren aurkako errekurtsoa aurkeztuko duela.
Dermatosi nodularra dela eta, otsailera arte bertan behera egongo dira animalia-azokak EAEn
Neurria indarrean dagoen bitartean, foru-aldundiek salbuespen gisa baimendu ahal izango dituzte animaliekin egiten diren ekitaldi jakin batzuk.
Eusko Jaurlaritzak urtarrilean ordainduko die funtzionarioei soldataren aurtengo igoera
Datorren urterako % 1,5eko igoera aurreikusi dute, baina Euskadiko CCOO sindikatuak igoera handiagoa eskatu du.
2025a amaitzeko eta 2026rako diru-laguntza gehiago izango dira auto elektrikoak erosteko
Espainiako Trantsizio Ekologirako Ministerioak 50 milioi eman dizkio Eusko Jaurlaritzari Moves Plana agortu ondoren diru-laguntzaren zain zeuden 3.400 eskariei erantzuteko. Espainiako Gobernuak laguntza berriak emango ditu, gainera, datorren urtean.
Balenciaga ontziolako langileek eta Abu Dhabi Ports talde arabiarrak konpainiaren geroa bermatu dute, soldataren inguruko akordioa erdietsita
Langileekin akordioa lortzea ezinbesteko baldintza zen ontziola erosteko. Adostutakoaren arabera, soldatak % 5 jaitsiko dizkiete beharginei, baina hori onartuta, talde arabiarrak Zumaiako ontziola erosi ahalko du, 11,2 milioi euroren truke.
Eusko Jaurlaritzak "positibotzat" jo du Balenciaga ontziolan lortutako akordioa, eta langileei egindako "esfortzua" eskertu die
Eusko Jaurlaritzako Industria, Trantsizio Energetiko eta Jasangarritasun sailburuak esan duenez, negoziazioan "soka asko tenkatu da, baina ez da inoiz apurtu". Akordioak lan-karga emango die ontziolaren beraren beharginei zein haren menpe dauden lanpostu ez zuzenei.
Zumaiako alkateak zoriondu egin ditu Balenciaga ontziolaren negoziazioan parte hartu duten alde guztiak
Iñaki Ostolaza, Zumaiako alkatea, pozik agertu da akordioarekin eta zorionak eman dizkie Balenciaga ontziolaren negoziazioan parte hartu duten alde guztiei, eta aipamen berezia egin die langileei.
Behiak txertatzen hasi dira Ipar Euskal Herrian, laborarien protesten artean
Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.