Bankuek ez dute etxegabetzerik egingo 'muturreko kasuetan'
Espainiako Banketxeen Elkarteak (AEB) iragarri du bankuek ez dutela etxegabetzerik egingo datozen bi urteetan, "muturreko kasuak" direnean, eta ordu batzuk geroago Espainiako Aurrezki Kutxen Konfederazioak (CECA) iragarri du neurri berbera, legea erreformatu arte indarrean mantenduko dutena.
Bakuen elkarteak agiri batean azaldu duenez, "arrazoi humanitarioengatik" hartu dute erabakia, eta dagoeneko jakinarazi diete Ekonomia Ministerioari eta Espainiako Bankuari.
"Konpromiso honetara iristeko eztabaida bizia eta sakona egin dute elkarteko bankuek, krisi ekonomikoaren ondorioz babesik gabe geratzen direnen egoera arintzen laguntzeko", gaineratu du Espainiako bankuen patronalak.
Azken orduotan, Kutxabankek eta Euskadiko Kutxak iragarri dute hipoteka-betearazpenak gelditzea erabaki dutela, Barakaldon aurreko astean etxegabetu behar zuten emakume batek bere buruaz beste egin ostean sortutako alarma soziala dela eta.
AEB patronalak azaldu duenez, ostegunean jakinarazi zioten Fernando Jimenez Latorre Ekonomia Estatu idazkariari "datozen bi urteetarako etxegabetzeak" bertan behera uzteko asmoa zutela "muturreko kasuetan".
Horren aurretik, Miguel Martin AEB elkartearen presidentea Soledad Becerril Herriaren Defendatzailearekin bildu zen eta neurria Espainiako Bankuaren gobernadoreari jakinarazi zion.
Elkarteak esan du "Gobernuarekin eta alderdiekin" hitz egiteko prest dagoela negoziatzen ari diren arau berriaren inguruan iritzia emateko.
Hain zuzen ere, gaur arratsaldean bilduko dira Gobernuak aukeratutako adituak eta PSOEko ordezkariak etxegabetzeen arazoari aurre egiteko araudi aldaketa adosteko.
Aurrezki kutxek ere bat egin dute
Aurrezki kutxek ere bat egin dute etxegabetzeak gelditzeko erabakiarekin eta neurri hori ezarriko dute Espainiako Aurrezki Kutxen Konfederazioko kideek lehenengo etxebizitzen eta kolektibo ahulenen kasuan.
CECAk agiri batean azaldu duenez, Espainiako Gobernuak eta oposizioak araudi berria adosten duten arte iraungo du neurriak.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).