2013ko ekaineko ordainsaria urtarrilera aurreratu du Donostiako Udalak
Bilduko Donostiako Udalak dagoeneko ordaindu du abenduko soldata eta 2013ko ekainekoa urtarrilaren 1era aurreratuko du. Halaber, funtzionarioek orain jasoko ez duten ordainsaria bermatzeko funts bat eratu dute.
Udaleko batzordeak aztertu dituen 8 aukeretatik, "langileentzat irtenbide onena dena hartu dugu", adierazi du Juan Karlos Izagirre alkateak Nekane Burutaran Giza Baliabideetako zinegotzi ordezkariarekin batera eman duen prentsaurrekoan.
Gipuzkoako Aldundiak harturiko erabakiaren "antzeko" bat aztertu du Udalak; izan ere, Gabonetako aparteko ordainsaria "soldatarekin batera doan osagarri batengatik" ordezkatu dute. Hala ere, Udaleko "txosten juridikoak" erabaki horren aurkakoak izan dira erakunde bakoitzak "berezitasun propioak dituelako".
Joan den ostiralean, hilaren 14ean, Udalak hil honetako soldata aurreratu zuela iragarri du Izagirrek; hau da, 2.300 funtzionarioen soldata.
Halaber, ekainekoa urtarrilaren 1era aurreratuko du eta abendukoa ekainaren 15era. Datozen urteetan gauza bera egingo dute aurtengo Gabonetako aparteko soldata "konpentsa daitekeen arte".
Eta orain jaso ez den ordainketa bermatzeko, 6 milioi euroko funtsa eratu dutela azaldu du, Gabonetako ordainsaria emateko behar den kopurua. Ildo honetan, beste alderdi politikoek neurria "babestea" garrantzitsua litzatekeela uste du, Bildu Udalean ez dagoenerako iragarritako konpentsazioa eman ahal izateko.
Udaleko langileen sindikatuek "neurriaren berri dutela" esan du eta funtsa "aurtengo ordainsaria ez galtzea bermatzeko eskatzen zuten bermea" dela azaldu du.
Zure interesekoa izan daiteke
Brent petrolio gordinaren prezioak 105 dolarren langa gainditu du
Iranen aurka AEBk eta Israelek egindako erasoaren aurretik, petrolio upelak 72 dolar balio zituen. Gainera, gas naturalaren prezioa % 2 baino gehiago igo da, eta megawatt orduko 52 eurotik gorakoa da jada. Aliatuek Ormuzeko itsasartea berriz irekitzen laguntzen ez badute, NATOk "etorkizun txarra" izango duela ohartarazi du AEBko presidenteak.
Greba mugagabea hasi dute Tubos Reunidosek Amurrion duen lantegian, jarraipen osoarekin
Langile talde batek piketea osatu du lantegiaren atarian. Sindikatuen arabera, grebaren jarraipena erabatekoa izaten ari da, eta soilik zerbitzu minimoetako beharginak joan dira lanera.
Medikuek bigarren greba astea hasi dute, estatutu propioa eskatzeko
Horien ordezkarien arabera, otsailean lanuzteak izan zirenetik "ez da harreman formalik izan" greba batzordearen eta Espainiako Osasun Ministerioaren artean.
Etxeko langileek bat egingo dute astearteko grebarekin, beren lan-baldintzak hobetzearen alde
Greba eskubidea bermatuta ez duten arren, etxeko langileen kolektiboek bat egingo dute astearteko mobilizazioekin. Grebarekin bat datozela adierazteko, besoko laranja bat eramango dute egun horretan, lanean dauden bitartean.
Greba mugagabea hasiko dute igande honetan Amurrioko Tubos Reunidos lantegian
Gaueko txandan hasiko da greba (22:00etan), baina aldez aurretik lau orduko lanuztea deituta dagoenez; benetan, 18:00etatik aurrera hasiko dira lanuzteak.
Petrolioaren erosketa kostuak bikoiztu diren honetan, gasolindegietako jabeek zergak jaisteko eskatzen dute
Alaitz Goñi Getxogas gasolindegiko jabearekin izan da ETB, petrolioaren kostuaren gorakadak euren jardunean izan duen eragina aztertzeko. Bizkaian %25 jaitsi omen da bezeroen mugimendua prezioen igoeragatik eta zergak jaisteko eskatzen diote Espainiako Gobernuari.
Ekialde Hurbileko gerrak eragina izango du Bilboko Portuan, baina aukera ere bihur liteke
Arku Atlantikoko portu komertzial handiena da Bilboko Portua, trafikoari, azpiegiturei eta ematen dituen zerbitzuei dagokienez. Azken zabalkundea 2027ko lehen hiruhilekoan burutuko du, kai-mutur nagusiko lanak amaitzen direnean.
ELAren arabera, Trapagarango Tubos Reunidoseko delegatuek "jada ez dute sindikatua ordezkatzen"
Amurrioko eta Trapagarango lantegietan ordezkaritza duten sindikatuek erreakzio ezberdinak izan dituzte enplegu-erregulazoko espedientea atzera bota ondoren. ELA eta LAB langileekin harro agertu dira, eta borrokan jarraitzen dutela adierazi dute, "enplegua defendatuz". CCOO sindikatuaren hitzetan, "ziurgabetasuna" zabaldu da, eta UGTren esanetan, berriz, euren delegatuek "era kontsekuentean" jokatu dute.
Tubos Reunidosek esan du enplegu-erregulazioko espedientea ezarri behar duela, eta etorkizuna zalantzaz beteta dagoela
Enpresako zuzendaritzak aukera guztiak aztertuko ditu, eta datozen egunotan jakinaraziko die bere erabakia negoziazio batzordeari eta lan agintaritzari. Ez da baztertzen enpresak hartzekodunen konkurtsoa eskatzea.
Martxoaren 17ko greba orokorra "arrakastatsua" izatea aurreikusten dute sindikatu deitzaileek
ELA, LAB, Steilas, Hiru eta Etxalde sindikatuek adierazi dutenez, grebaren aldeko atxikimendua "oso zabala" izaten ari da eta dagoeneko 1.750 enpresatako lan batzordeek eta ehunka gizarte eragilek egin dute bat 24 orduko lanuztearekin.