Aparteko ordainsariaren egoera, euskal erakundeetan
Oraindik ez dago argi zer gertatuko den funtzionarioen Gabonetako aparteko ordainsariekin euskal administrazio eta erakundeetan.
Gai horixe izan da Urkullu lehendakariak eta sailburu berriek Jaurlaritzaren lehenengo bileran aztertu duten auzi nagusietako bat. Erkoreka bozeramaileak azaldu duenez, Jaurlaritzak ezin du alde bakarreko erabakirik hartu gaiaren inguruan eta ezin du aparteko soldata ematea agindu Eusko Legebiltzarraren oniritzia jaso gabe. Hori horrela, lege proiektu bat aurkeztuko dute "lehenbailehen" uztaileko ordainsaria urtarrilean emateko.
Beste erakundeak
Gipuzkoako Aldundiaren kasuan, Estatuaren abokatuak helegitea jarri zuen funtzionarioei ordaindu zaien “osagarria" dela eta. Epaileak ordea, auzi hori epaitzeko gai ez dela argudiatu du eta eskumenen inguruan erabaki bat hartzeko hamar eguneko epea eman du.
Gobernu ordezkaritzak ere Arabako eta Gipuzkoako Batzar Nagusietako aparteko ordainsariei helegitea jarri die. Justizia Auzitegi Gorenak ordainketa eten du, baina erabakia gaur berretsi beharko du. 09:30etan bildu dira ordezkari arabarrak eta 10:00etan gipuzkoarrak.
Donostian, Udalak urtarrilaren 1era aurreratuko du ekaineko aparteko ordainsaria, eta ekainera abendukoa. Gobernu taldeak gainera 6 milioi euroko funtsa eratu du ahal denean galdutako ordainsaria berreskuratu ahal izateko.
Bizkaiko Aldundiak eta Bilboko Udalak udako aparteko ordainsaria urtarrilera aurreratzea erabaki dute.
EHUk ere Gabonetako ordainsaria ez ematea erabaki du, baina ekainekoa aurreratuko dutela iragarri dute.
Nafarroa
Nafarroan, Parlamentuko 50 funtzionarioek Gabonetako aparteko soldata jasoko dute. Ezberdindutako erakundea dela ondorioztatu du epaileak, Rajoyren dekretutik at. Alderdiek erabakia onartu dute nahiz eta soldata ez emateko eskatu duten, beste funtzionarioen erregimen bera izateko.
Nafarroako Gobernuak Administrazioko langileei Gabonetako aparteko soldata kentzea erabaki du gaur, Espainiako arauarekin bat eginez eta 2013ko uztailekoa urtarrilaren 3an jasotzea espero dute.
Zure interesekoa izan daiteke
Medikuek bigarren greba astea hasi dute, estatutu propioa eskatzeko
Horien ordezkarien arabera, otsailean lanuzteak izan zirenetik "ez da harreman formalik izan" greba batzordearen eta Espainiako Osasun Ministerioaren artean.
Energia sektorerako eta mozkin handiko enpresentzako zergak proposatu ditu EH Bilduk
Nerea Kortajarena EH Bilduren Programa zuzendariak azaldu duenez, aberastasuna "banatzeko" neurri-sorta proposatu dio koalizioak Espainiako Gobernuari, "gerraren ondorioak familiek ordain ez ditzaten".
Errenta kanpaina apirilaren 15ean hasiko da Bizkaian
Bizkaiko zergadunek ekainaren 30era arteko epea izango dute errenta aitorpena egiteko, eta hiru bide izango dituzte horretarako: aurrez aurre, telefonoz eta online. Gainera, aurten, 20.000 eurora igo da errenta aitorpena derrigor aurkezteko errenta-zenbatekoa.
Arabako errenta-kanpaina apirilaren 7tik ekainaren 25era izango da
Zergadunek "Rentafacil" modalitatean egindako proposamena onartu ahal izango dute egoitza elektronikoan, apirilaren 7tik ekainaren 17ra bitartean. Halaber, "Rentared" Arabako Ogasunaren Laguntza Programaren bidez egindako aitorpenak ere apirilaren 7tik aurrera aurkeztu ahal izango dira.
Gizartea greba orokorraren aldarriarekin "bat" datorrela eta langileen babesa duela adierazi du Mitxel Lakuntzak
Mitxel Lakuntza ELAren idazkari nagusiak Euskadi Irratian egin dioten elkarrizketan azaldu duenez, sindikatuek grebara jotzeko premia izan dute Eusko Legebiltzarrak legegintzarako herri-ekimena geldiarazi duelako eta Confebask patronalak negoziaziori uko egin diolako. Halaber, Nafarroan gutxieneko soldata propioa negoziatzeko aukera egon daitekeela uste du Lakuntzak.
Brent upelaren prezioak 105 dolarren langa gainditu du
Iranen aurka AEBk eta Israelek egindako erasoaren aurretik, petrolio upelak 72 dolar balio zuen. Gainera, gas naturalaren prezioa % 2 baino gehiago igo da, eta megawatt orduko 52 eurotik gorakoa da jada. Aliatuek Ormuzko itsasartea berriz irekitzen laguntzen ez badute, NATOk "etorkizun makurra" izango duela ohartarazi du AEBko presidenteak.
Greba mugagabea hasi dute Tubos Reunidosek Amurrion duen lantegian, jarraipen osoarekin
Langile talde batek piketea egin du lantegiaren atarian. Sindikatuen arabera, grebaren jarraipena erabatekoa izaten ari da, eta soilik zerbitzu minimoetako beharginak joan dira lanera.
Etxeko langileek bat egingo dute astearteko grebarekin, beren lan-baldintzak hobetzearen alde
Greba eskubidea bermatuta ez duten arren, etxeko langileen kolektiboek bat egingo dute astearteko mobilizazioekin. Grebarekin bat datozela adierazteko, besoko laranja bat eramango dute egun horretan, lanean dauden bitartean.
Greba mugagabea hasiko dute igande honetan Amurrioko Tubos Reunidos lantegian
Gaueko txandan hasiko da greba (22:00etan), baina aldez aurretik lau orduko lanuztea deituta dagoenez; benetan, 18:00etatik aurrera hasiko dira lanuzteak.
Petrolioaren erosketa kostuak bikoiztu diren honetan, gasolindegietako jabeek zergak jaisteko eskatzen dute
Alaitz Goñi Getxogas gasolindegiko jabearekin izan da ETB, petrolioaren kostuaren gorakadak euren jardunean izan duen eragina aztertzeko. Bizkaian %25 jaitsi omen da bezeroen mugimendua prezioen igoeragatik eta zergak jaisteko eskatzen diote Espainiako Gobernuari.