Jaurlaritzak udako aparteko ordainsaria urtarrilera aurreratu nahi du
Eusko Jaurlaritzak 2013ko udako aparteko ordainsaria urtarrilera aurreratu nahi duela iragarri du Josu Erkorekak. Alabaina, aitortu du horretarako Jaurlaritzak Legebiltzarraren baimena behar duela.
Gauzak horrela, Jaurlaritzak horretarako beharrezkoak diren urrats guztiak "lehenbailehen" jarriko ditu abian eta 2013ko udako ordainsaria aurreratzeko Legebiltzarrean premiazko lege-proiektu bat aurkeztuko du.
Horrez gain, aparteko ordainsaria ematearen aurka Espainiako Gobernuak jarritako salaketaren aurrean, auzibideari eutsiko diotela eta, beraz, beharrezkoak diren helegiteak aurkeztuko dituztela azpimarratu du Erkorekak, kazetarien galderak erantzunda.
Osasun koordainketa
Bestalde, osasun koordainketari dagokionez atzo Auzitegi Konstituzionalak emandako ebazpena aztertzen ari da Jaurlaritzaren talde juridikoa, eta xehetasun guztiak dituztenean iragarriko dituzte hartu ditzaketen neurriak.
Alabaina, Jaurlaritzak Konstituzionalean autogobernuaren eskumenak irmoki babestuko dituela nabarmendu du Erkorekak.
% 20ko murrizketak
Horrez gain, Iñigo Urkullu lehendakariak iragarri zuen % 20ko murrizketa berretsi dute gobernu-bileran eta, Erkorekak azaldu duenez, "murrizketa hori 2013ko lehen seihilekoan gauzatuko dute eta administrazio publiko guztiari eragingo dio".
"Gobernu eredugarria izan nahi dugu. Horregatik, lehendabiziko murrizketak gure gobernuan egin ditugu: sail, sailburu eta sailburuorde gutxiago izango ditugu Jaurlaritza berrian", erantsi du.
Aurrekontuak
Amaitzeko, Iñigo Urkullu lehendakariak Ricardo Gatzagaetxebarria Ogasuneko sailburuari 2013ko aurrekontuen oinarriak "berehala" prestatzeko agindu diola jakinarazi du Erkorekak.
"Urtarrila erabakigarria izango da departamentu ezberdinen informazioa biltzeko eta egoeraren behin-behineko azterketa egiteko", azaldu du.
Datu horiek eskura dituztenean, Eusko Jaurlaritzak datorren urteko aurrekontuetan zenbateko marjina izango duen argitu ahal izango duela esan du Erkorekak.
Gardentasuna
Urtarriletik aurrera, Legebiltzarreko batzorde guztiak osatuta daudenean, sailburu ezberdinek agerraldiak egingo dituzte Gasteizko ganberan, gainerako talde parlamentarioei argibideak emateko "eta horrela gardentasuna bermatzeko".
Jaurlaritzaren barne antolamenduari dagokionez, hurrengo gobernu-bilera noiz izango den zehaztu gabe dagoela jakinarazi du.
Zure interesekoa izan daiteke
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.