Jaurlaritzak enpresa eta elkarte publikoen kopurua murriztuko du
Josu Erkoreka Jaurlaritzako bozeramaileak iragarri duenez, datozen lau urteetan Administrazioko enpresa eta elkarte publikoetako azpiegituren % 25 murriztuko dituzte. Erakundeetako zuzendaritzak ere % 20 murriztuko ditu Urkulluren Gobernuak.
Euskadiko alor publikoa berregokituko du Jaurlaritzak, eta laurden bat murriztuko du legealdia amaitu orduko. Edonola ere, zerbitzuak eta lanpostu publikoak ez dituztela murriztuko azpimarratu du Erkorekak.
Egun, 79 erakunde publiko daude Euskal Autonomia Erkidegoan, eta Jaurlaritzak beste 132tan du partaidetza.
Sakabanatuta dauden sozietateak batuz eta funtzionamendu gastuak murriztuz egingo du ahalegin hori Jaurlaritzak, Erkorekaren esanetan, eta erakunde horietako zuzendaritza karguak % 20 murriztuko dituzte, horren arabera.
Hala ere, Erkorekak argitu du langile publikoen kopurua ez dutela murriztuko. Aipatu murrizketa gauzatzeko, "elkarlana eta sinergiak hobetuko ditugu", azaldu du.
2013ko Aurrekontuak
Bestalde, Iñigo Urkulluren Gobernuak martxoaren 12an aurkeztuko du 2013ko Aurrekontuen egitasmoa, Josu Erkoreka Jaurlaritzako bozeramaileak iragarri duenez. Ondoren, dokumentua Legebiltzarrean bozkatu beharko dute.
Aurrekontuen egitasmoa osatzeko "ildo teknikoak" urtarrilaren 15ean onartuko dituztela azaldu du Erkorekak gobernu bileraren osteko agerraldian. Hilaren 22an, berriz, ildo ekonomikoak adostuko dituzte, datorren urteko "muga ekonomikoak" zehaztu ahal izateko.
Aurrekontuak martxoaren 12an egingo duten gobernu bileran adostuko dituzte, eta, ondoren, Legebiltzarrera bidaliko dute dokumentua.
Bestalde, Erkorekak iragarri duenez, lehendakariak elkarrizketa sorta formala egingo du, Euskadik bizi duen egoera aztertzeko. EAEko hiru diputatu nagusiekin, Eudeleko ordezkariekin, eta alderdi politiko eta gizarte eragileekin bilduko da horretarako.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.