Confebask: '2008tik hona ia 7.000 enpresa itxi dituzte EAEn'
Miguel Angel Lujua Confebaskeko presidenteak jakinarazi duenez, 2008an krisia hasi zenetik EAEko 6.896 enpresa itxi dituzte eta 17.000 autonomo galdu dira. Horren hitzetan, euskal enpresen sarea "hiltzen ari da".
Gaur goizean prentsaurrekoa eskaini dute Bilbon, Miguel Angel Lujuak eta Arabako SEA, Bizkaiko Cebek eta Gipuzkoako Adegi enpresarien elkarteetako ordezkariek. Horien iritziz, "historiako krisi ekonomiko larrienaren aurrean gaude".
Lujuaren esanetan, lehentasuna enpresak salbatzea da, kaltea konponezina izan ez dadin. Horretarako, enpresak ez zigortzea eskatu du, esaterako, fiskalitatearen alorrean.
Confebasken datuen arabera, 2008ko maiatzaz geroztik EAEko enpresen % 10,9 itxi dituzte. Halaber, urtarrila izan da "historiako hilabeterik txarrena", 639 itxita, batez beste 102 itxi dituzte hilean.
Azken hilabeteetan egoerak okerrera egin duela azpimarratu du eta iaz 1.839 enpresa desagertu zirela azpimarratu du (krisia hasi zenetik desagertu diren enpresen % 26,6).
2013. urteari begira, prebisioak ez direla onak izango adierazi du Lujuak. "Ez ohiko neurriak hartzen ez badira", EAEko Barne Produktu Gordinak % 1,3 atzera egingo duela ohartarazi du.
"Hazkunde ekonomikoa lortzeko, enpresa oinarria eta motorra dela barneratu behar du gizarteak. Erakundeek adostutako neurriekin, enpresa bizirik mantendu behar dugu", gaineratu du. "Enpresak dira irtenbidea eman dezaketen bakarrak".
Sindikatuekin "hitzarmen zabal bat" sinatzea defendatu du Confebaskeko presidenteak. Horrez gain, "ekonomiaren motorra" izango den fiskalitate berria ere eskatu du.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.