Confebaskek euskal industriaz esandakoa gaitzetsi du Arantza Tapiak
Arantza Tapia Eusko Jaurlaritzako Ekonomiaren Garapen eta Lehiakortasun Saileko buruak Confebask enpresari elkarteak euskal industriaren egoeraz egindako analisia gaitzetsi du. Sailburuaren hitzetan, hainbat enpresa "ongi funtzionatzen ari dira".
Miguel Angel Lujua Confebaskeko presidenteak EAEko ekonomiaren eta enpresen egoeraren harira ohartarazi zuenez, krisi ekonomikoaren eraginez euskal industria hiltzen ari da.
Radio Euskadin egindako elkarrizketa batean, euskal industriaren egoerari zailari garrantzia kendu dio Arantza Tapiak. Lujuaren mezua alarmistatzat jo du, eta "herritarren artean egonezina areagotzen du", esan du.
Tapiaren arabera, euskal industriak "garai zailak" bizi ditu, eta kreditua behar duten enpresek dirua lortzeko arazoak dituzte. Hala ere, "beste hainbat enpresa ongi funtzionatzen ari dira: esportazioak handitu dituzte eta lanpostuei eutsi diete".
"Sektorea egoera zailean dago eta bankuek kredituak eman behar dituzte, baina hainbat enpresak lan handia egin dezakete sektorearen mesedetan", adierazi du Arantza Tapiak.
"Confebaskek enpresen itxierari buruz emandako datuak ez dira okerrak", baina ezin dira datu hutsak eman bestelako azalpenik eman gabe, Eusko Jaurlaritzako Ekonomiaren Garapen eta Lehiakortasun Saileko buruaren arabera.
Ignacio Martin Gamesako presidentearekin bat dator Arantza Tapia. Enpresariak esan zuen "Espainia marka" oztopo dela atzerrira esportatu nahi duten euskal enpresentzat. "Espainia marka oztopo da; izan ere, oso zaila da nazioartean lehiatzea Espainiako arrisku sariaz eta bankuen arazoez hitz egiten denean", gaineratu du.
Hori dela eta, "Espainia marka"tik pixka bat aldentzea eta euskal enpresen "berezko ezaugarriak" azpimarratzea proposatu du Eusko Jaurlaritzak.
Albiste gehiago ekonomia
Industriaren geldialdiak ekonomiaren hazkundea galarazten duela ohartarazi du Adegik
Fakturazioak eta eskariak ez omen dira hazten azken boladan. Enplegua ere gutxiago hazten ari da, eta Gipuzkoako enpresek uste dute laster batean hazkunde hori “zero" izango dela.
Euskadiko Medikuen Sindikatua kalera atera da Estatutu Markoaren zirriborroaren aurka
Lanuzteak bestelako jarraipena izan du EAEko hiru probintzietan: Bizkaian, profesionalen % 30ek egin dute greba; Gipuzkoan, % 26,89k; eta, Araban, % 16,52k, Osakidetzaren arabera. Arratsaldean, parte-hartzea % 10,33ra jaitsi da EAEn.
Jaurlaritzak bertan behera utzi du angula arrantzatzeko 2025-26ko kanpaina, espeziearen egoera "kritikoa" dela eta
Hainbat txostenen arabera, orain arte aplikatutako neurriek ez dute balio izan espeziearen egoera kritikoa lehengoratzeko, eta, horren aurrean, Arrantza Sailak espeziea berreskuratzeko neurriak indartzea erabaki du egoera atzeraezina izan baino lehen.
Medikuak kalera atera dira Estatutu Markoaren zirriborroaren aurka
Lan-baldintzak negoziatzeko mahai propioa exijitzen dute medikuek. "Guk diseinatu eta negoziatu nahi dugu, negoziazio-mahai horretan ordezkaritza ia nulua baitugu", adierazi du Ana Santorcuato Euskadiko Medikuen Sindikatuko ordezkariak.
Medikuak estatutu propioa eskatzeko greba egiten ari dira Estatu osoan
Osasun publikoko medikuek greba eguna dute gaur Estatu osoan. Euskadin, gainera, Euskadiko Medikuen Sindikatuak (SME) elkarretaratzeak deitu ditu hiru hiriburuetako ospitale eta anbulatorioetan.
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.