Zipreko bankuek ez dituzte ateak datorren asteartera arte zabalduko
Zipreko bankuak itxita egongo dira datorren asteartera arte, Aliki Stilianu Banku Zentraleko bozeramaileak gaur jakitera eman duenez. Banketxeek ez dituzte aste osoan ateak zabaldu eta osteguna, ostirala eta astelehenean itxita egongo dira.
Zipreren erreskate problematikoa euroguneko azken krisia bilakatu da, eta Europako Batzordeak egitasmo alternatibo bat diseinatzeko ardura Nikosiaren eskuetan jarri du. Egoerak euroa berriro mehatxupean jar dezake, adituen arabera.
Erreskatearen inguruan akordiorik lortzen ez bada, Zipreko bankuei emandako kredituak kentzeko aukera dagoela ohartarazi du Jorg Asmussen Europako Banku Zentraleko (EBZ) kide alemaniarrak.
Die Zeit astekarian egindako adierazpenetan, EBZk "banku kaudimenduen likidezia soilik bermatu" dezakeela esan du Asmussenek.
Zalantza
Zipreko bankuen kaudimena zalantzan dago, eta finantza sektorea berriro eta azkar kapitalizatzeko laguntza programa bat laster adostu behar dute.
Aurrezkien gaineko zergari Parlamentuak "ezezkoa" eman eta gero, bankuen etorkizuna kolokan dago; izan ere, porrota saihesteko beharrezko likidezia noiz jasoko duten ez dakite.
Emakume bat Nikosiako kutxazain batean dirua ateratzen. Argazkia: EFE
Bestalde, Herman Van Rompuy Kontseilu Europarreko presidentea "oso kezkatuta" azaldu da Zipreko Parlamentuak Eurotaldeko erreskateari uko egin ostean. "Lehen baino lehen" irtenbide bat adostea eskatu du Van Rompuyk.
"Zipreko ezegonkortasuna oso kaltegarria da, Zipreko herritarrentzako batez ere, eta albait lasterren konpondu behar da", adierazi du Van Rompuyk Europako Parlamentuan egindako agerraldian.
Negoziaketak Errusiarekin
Gainera, Mijalis Sarris Zipreko Ekonomia ministroarekin izandako negoziaketetan aurrerapausorik eman ez dela onartu du Errusiak. Sarris Igor Shuvalov lehen ministrordearekin eta Errusiako Ekonomia ministroarekin bildu da.
Anton Siluanov Errusiako Ekonomia ministroarekin bildu ostean, aurreneko bileran akordiorik ez dela lortu ziurtatu du Sarrisek.
EBk erreskatearen truke 5.800 milioi euro murriztea eskatu du, eta Zipreko alderdi politikoetako adituak Banku Zentralean bildu dira plan alternatibo bat adosteko.
Lehenago, Nicos Anastasiades Zipreko presidenteak alderdi politikoetako buruzagiekin bi orduko bilera egin du. Zergarekin 5.800 milioi bildu behar zituzten, baina Parlamentuaren ezezkoarekin alternatiba bat aztertu behar dute orain.
Zure interesekoa izan daiteke
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.