UGTk “batasun” sindikala eta politikoa eskatu du Euskadin
Damaso Casado UGT-Euskadiko idazkari nagusiak "batasun" sindikala eta politikoa eskatu du gaur egungo egoera "oso larriari" aurre egiteko, betiere enpleguari eusteko asmoz. Halaber, "mobilizazioak etengabe egitea" babestu du, baina ez du aurreikusi "une honetan" greba orokorrik deitzea.
Radio Euskadin egindako elkarrizketa batean, buruzagi sindikalak langabeziaren egoera "oso larria" deitoratu du. Izan ere, martxoan 1.335 langabe gehiago izan dira Euskal Autonomia Erkidegoan, eta, ohartarazi duenez, "Euskadin egiten ari diren murrizketek" ekarri dute "langabezia gehiago".
"Sindikatu eta politikari guztiek bat egitea" beharrezkoa dela azpimarratu du Casadok; izan ere, gaur egun dagoen "banaketak gero eta gehiago eragiten die langileei, eta langabezia etengabe handituz doa".
Horren iritziz, langabeziari aurre egiteko, "gauza ugari" hitzartu daitezke, betiere enpleguari eusteko asmoz, eta lanpostuak sektore publikoan zein pribatuan desagertzen ari direla salatu du.
Horren inguruan, "murrizketek" sektore publikoan zein pribatuan izandako eraginak azaldu ditu, eta azken horretan sektore publikoaren beharra duten enpresa txiki "ugari" desagertzen ari direla nabarmendu du. "Kaltegarriena egiten ari direna da", gaineratu du.
Euskadiko aurrekontuen harira, "atzerapen handiarekin datoz", horren iritzian, eta "gauza bat da esaten dutena eta beste bat egiten dutena", gaineratu du. Horregatik, murrizketek gizarte politikan eta enpleguan eragina izango duten edo ez ikusteko itxaron egin beharko dela esan du UGTko idazkari nagusiak.
1.200 milioi euro murrizteak "agian ez du murrizketa askorik eragingo goitik, baina behetik murrizketa ugari egongo dira", aurreratu du.
Casadok behin eta berriz esan du negoziazio kolektiboa oso garrantzitsua dela Euskadin akordioak lortzeko. Izan ere, uztailean ezarriko duten lan-erreformarekin batera, "200.000 langileri eragingo dien ehun bat hitzarmen desager daitezke".
Hori dela eta, "batasun sindikala" eskatu du "hitzarmen guztiak kolektibo egiten saiatzeko, eta enpresari guztiei presioa egiteko", azken horietatik "gehienak" Mariano Rajoyren Gobernuarekin "liluratuta daudelako" eta sindikatuen banaketaz "aprobetxatzen" ari direlako. Halaber, hitzarmen gehien sinatu duen sindikatua UGT izan dela nabarmendu du, eta hitzarmen "guztiak" sinatzeko prest dagoela esan du, baina beste sindikatu batzuk "ez daude horretarako prest", horren ustez.
Mobilizazioak
UGTko buruzagiak "mobilizazioak etengabe egitea" babestu du, "murrizketei eta horiek eragindako langabezi handiari" aurre egiteko zein "talde-negoziazioaren" alde egiteko.
Greba orokor bat deitzeko aukeraren inguruan, berriz, Casadok adierazi du "oraingoz ez dutela aurreikusi halakorik", baina "ez dugu ezer baztertzen".
Bestalde, "nahiko pozik" agertu da erretiro partzialaren inguruan Funtzio Publikoaren Mahaian lortutako hitzarmenarekin, eta "oso positiboa" dela iritzi dio, "enplegua sortzea" ahalbidetuko baitu.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.