Hutsik dauden etxebizitzei gainordaina aplikatzen hasi dira Zarautzen
Hutsik dauden 2.800 etxebizitzen gaineko zergaren gainordainarekin 600.000 euro baino gehiago biltzea espero du Zarauzko Udalak, Radio Euskadik jakitera eman duenez. Hutsik dauden etxebizitza gehienak udaldirako erabiltzen dituztela zehaztu du Udalak.
Iñaki Eizagirre Zarauzko Ogasun zinegotziak azaldu duenez, "200 euro ordaindu beharko lituzketen etxebizitzak daude, baita 1.000 euro ordaindu beharko lituzketenak ere, hondartza ondoan daudelako, etxe handiak edo txikiak direlako".
Gipuzkoako Batzar nagusiek onartutako ordenantza berriak etxebizitzen gaineko zergan % 150eko gainordaina ezartzeko aukera ematen die lurraldeko udalei.
EAEko Etxebizitzaren Legeak hutsik dagoen bizilekua definituko du, baina Gipuzkoak neurriari aurrea hartu dio.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea