2.794 langabe gutxiago, apirilean Hego Euskal Herrian
Apirilean, langabezia tasa jaitsi egin da EAEn. Zehazki, martxoan baino 752 lagun gutxiago daude lanik gabe; hau da, % 0,42 jaitsi da. Guztira, EAEn, 178.589 lagun daude langabezian, Estatuko Enplegu Zerbitzu Publikoaren datuen arabera.
Iazko apirilarekin alderatuta, ordea, 16.693 langabe gehiago daude, hau da, % 10,31 gehiago.
Lurraldeka, Bizkaian jaitsi da gehien langabezia: 401 lagun (% 0,40); jarraian, Araba dago, 320 langabe gutxiago (% 1,12) baitzeuden apirilean, eta, azkenik, Gipuzkoan, 31 lagun gutxiago zeuden langabezian, hau da, % 0,06.
Nafarroan, 2.042 langabe gutxiago
Nafarroako langabeziak ere behera egin du apirilean, % 3,62 aurreko hilabetearekin alderatuta. Guztira, 54.444 langabe daude foru erkidegoan, Gizarte Segurantza eta Enplegu Ministerioaren datuen arabera.
Iazko hilabete berarekin alderatuta, langabezia tasa % 6,65 igo da, hau da, 3.529 lagun gehiago daude lanik gabe.
4.989.193 langabe daude Espainian
Espainiar estatuan, apirilean, bigarren hilabetez jarraian, langabezia jaitsi egin da, 46.050 langabe gutxiago erregistratu dira, eta hortaz, 4.989.193 langabe daude guztira.
2012ko apirilaz geroztik, 244.958 pertsona gehiago daude lanik gabe, hau da, langabezia % 5,16 hazi da.
Apirilean, langabeziak sektore guztietan egin du behera. Eraikuntzan 18.699 langabe gutxiago zenbatu dira, zerbitzuen atalean 18.407, nekazaritzan 8.030 eta industrian 4.704. Aurretik enplegurik ez zutenen artean, berriz, 3.790 langabe gehiago zenbatu dira.
Enplegu suntsiketa amaitzen ari dela uste du Jaurlaritzak
Juan Maria Aburto Jaurlaritzako Enplegu sailburuaren iritziz, apirileko datuek "enplegu suntsiketaren amaiera adierazten dute".
Orain dela hilabete batzuetatik, "enplegu suntsiketa gutxitzen" ari dela esan du sailburuak eta azken datu hauek "une latzenak" amaitzen ari direla berresten dute.
Gainera, 2013an lan-erregulazioko txostenak gutxitu egin direla azpimarratu du, eta ondorioz, "egoera ekonomikoa gogorra den arren, datuek baikortasun pixka bat" dakartela uste du.
Jaitsiera gehiago iragarri ditu de Guindosek.
Luis de Guindos Ekonomia ministroaren iritziz, apirileko langabeziaren datuak "positiboak" dira, eta "Espainiako ekonomiak beste norabide bat hartuko duen seinale da". Halaber, datuek hobetzen jarraituko dutela uste du.
"2013an norabide aldaketa bat gertatzen ari dela frogatzen dute datuek, eta 2014an hazkunde ekonomikoa izango dugu; enpleguari dagokionez, datu positiboak izango ditugu", esan du ministroak Jasangarritasunerako II. Foroan.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.