Rajoy: 'Hau funtzionatzen hasi da'
Mariano Rajoy Espainiako Gobernuko presidenteak bere politika ekonomikoa ez duela aldatuko ohartarazi du, horri esker "hau funtzionatzen hasi" dela argudituta.
Rajoyk neurri ekonomikoen eta aurreikuspenen berri eman du Diputatuen Kongresuan, bertan, Espainiaren defizit helburua aldatu izana gorapaitu du, horrekin gizartea "itotzea" saihestuko dela azpimarratuta.
Defizit helburu berriari esker (BPGren 6,3koa 4,5ekoa beharrean) 2013an murrizketa txikiagoak izango direla esan du, 18.900 milioi euro gutxiago murriztu ahal izango dituztela, eta hala, pentsioetan edo langabeziaren laguntzetan ez dutela esku hartu behar izango azpimarratu du Rajoyk.
Halaber, Espainiak iazko urtean defizita murriztea lortzeko "sakrifizio handiak" egin behar izan zituela azpimarratu du, eta aurten helburua jaitsi ezean, gehiago egin behar izango zituzkeela gaineratu du.
Erreformen bideari eutsiko dio
Mariano Rajoyk aurreko Gobernu sozialistak egindako "astakeriak" errepikatzeko eskatu izana deitoratu du eta erreformen bideari eustearen alde agertu da.
Rajoyk, oposizioak proposatutako neurriak "ameskeriatzat" eta "okerreko aukeratzat" jo ditu, eta defizita eta erreformak ez zuzentzeko bi "arrazoi sendo" daudela adierazi du: 6,2 milioi langabe.
Dena den, "baliogarria izan daitekeen edozein iradokizun" entzuteko prest dagoela esan du Espainiako gobernu buruak, baina bere politika ekonomikoaren norabidea aldatzeko "asmorik ez" duela ohartarazi dio oposizioari.
Rubalcabak "akordio zabala" eskatu dio Rajoyri
Alfredo Perez Rubalcaba PSOEko idazkari nagusiak "akordio zabal bat" lortzeko bideari ekiteko eskatu dio Mariano Rajoyri, Espainiako krisi "larriari" aurre egin ahal izateko.
Espainia "beldurtuta, konfiantzarik gabe, eta ezkor" dagoela azaldu du Rubalcabak, eta Gobernuak, sindikatuek, enpresaburuek, alderdi politikoek eta autonomia erkidegoek parte hartuko duten akordioen beharra duela azpimarratu du Espainia krisialditik "noiz eta nola atera guztien artean" eztabaidatzeko.
"Nik uste dut beharrezkoa dela hori egitea eta hori proposatzera behartuta nago. Akordioek konfiantza ematen diote herrialdeari, herritarrei eta baita atzerrian ere. Badakit zaila dela, baina saiakera bat egiteak merezi du", esan du Rubalcabak.
Zure interesekoa izan daiteke
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.