Euskadik superabita izan du urteko lehen hiruhilekoan
Euskal Autonomia Erkidegoak (EAE) % 0,14ko superabita izan du (90 milioi euro) 2013ko lehen hiruhilekoan, Ogasun eta Administrazio Publikoetako Ministerioak ostegun honetan argitaratutako datuen arabera.
EAErekin batera Errioxa (% 0,6), Valentziako Erkidegoa (% 0,33), Asturias (% 0,22), Kantabria (% 0,21), Gaztela-Mantxa (% 0,09), Balear Uharteak (% 0,04) eta Extremadura (% 0,03) izan dira superabita izan duten erkidegoak.
Nafarroak % 1,06ko defizita izan du
Nafarroak, berriz, % 1,06ko defizita izan du urteko lehen hiruhilekoan, Estatuan defizit handiena izan duen erkidegoa da.
Murtzia (-0,4%), Gaztela eta Leon (-0,28%), Andaluzia (-0,26%), Madril (-0,25%), Katalunia (-0,21%), Aragoi (-0,18%), Galizia (-0.12%) eta Kanariar Uharteek (-0,03%) ere saldo negatiboa izan dute.
Erkidegoen batez besteko defizita
Erkidego autonomoen defizita 1.235 milioi eurokoa izan da 2013ko lehen hiruhilekoan, hau da, Barne Produktu Gordinaren (BPG) % 0,12koa; 33.445 milioi euroko diru sarrerak izan zituzten eta 34.680 milioiko gastuak.
2013rako % 0,7ko defizitaren helburua zegoen aurreikusita, eta hori kontuan hartuta egin dituzte aurrekontuak erkidegoek (EAEk eta Kataluniak izan ezik, ez baitituzte oraindik 2013rako Aurrekontuak onartu). Dena den, Ogasunak 1,2ra arte igoko du muga europako agintariek defizita malgutzeko baimena eman ondoren.
Marta Fernandez Curras Estatuko Aurrekontuen idazkariak Onda Ceron egindako elkarrizketa batean esan duenez, lehen hiruhilekoan izandako defizitaren datua iazko lehen hiruhilekoan izandakoa baino % 0,11 txikiagoa da.
Marta Fernandez Currasek datu "onak" direla azpimarratu du.
Zure interesekoa izan daiteke
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "sindikatu mediko batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.