EAEko langileen ia erdia lan hitzarmenik gabe gera litezke
Urte bukaerarako, lan hitzarmen baten babesik gabe gera litezke EAEko soldatapekoen erdia, eta, ondorioz, Langileen Estatutua izango lukete erreferentzia, Euskadiko Lan Harremanen Kontseiluak kaleratutako aurreikuspenen arabera.
2012ko egoera soziolaboralaren inguruko txostena aurkeztu du asteazken honetan Tomas Arrieta Kontseilu horretako presidenteak, eta, bertan, 2013ko egoeraren aurrerapena ere jaso dute, ''uztailaren 7ak'' dakartzan ondorioei bereziki aipamen eginaz. Lan-erreforma dela-eta, egun horretatik aurrera hainbat lan-hitzarmenen aurreraeragina bertan behera geratu zen.
Arrietak azaldu duenez, uztailaren 7a baino lehen EAEko soldatapekoen % 96k lan hitzarmen baten babesa zuen; orain, baina, % 62ra jaitsi da zenbateko hori.
Hala, lan hitzarmenetik kanpo geratu diren langileen kopurua ''nabarmen'' egin du gora, datu horien arabera. Izan ere, uztailaren 7a baino lehen 21.579 langile ziren (%4), eta, dagoeneko 227.352 langile dira (EAEko soldatapekoen % 38).
Halaber, abenduaren 31tik aurrera bertan behera geratuko liratekeen hitzarmenak kontuan hartuta, 123.516 langile gehiago gehitu izango lirateke, soldatapeko guztien % 50 gaindituz.
Langile horietako batzuk Estatu mailako hitzarmenen menpe edo EAEKo beste hitzarmen baten menpe geratuko liratekeela kontuan hartuta, 123.516 langile horietatik bi heren izango lirateke hitzarmenik gabe geldituko liratekeenak.
Egoera ''konplikatua'' dela berretsi du Arrietak, eta, ondorioz, hitzarmenak babesteko negoziazioari berriz ekitea defendatu du.
Halaber, lan harremanen ''judizializazioa'' salatu du, eta hori irtenbide egokia ez dela defendatu du. Izan ere, arazoen aurrean plazaratuko diren ''irtenbide ezberdinak bateratzea zaila'' izango da etorkizunean, Arrietak ohartarazi duenez.
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez direla "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidoseko zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.