Aballa enpresa Deskargako obretatik kendu du Gipuzkoako Foru Aldundiak
Construcciones Aballa azpikontrata Beasain-Durango korridoreko lanetatik baztertzea erabaki du Gipuzkoako Foru Aldundiak. Kautelazko neurria da. Iragan asteazkenean langile bat hil zen lan-istripuan, Antzuolan, Deskargako mendatean.
Larraitz Ugarte Gipuzkoako Foru Aldundiko bozeramaileak agerraldia egin du azken erabakien berri emateko. Aldundia, Osalan eta Ertzaintzarekin batera, lan-istripuaren arrazoiak ikertzen ari dela azaldu du Ugartek.
Iragan ostiralean Construcciones Aballa konpainia obretatik at uztea erabaki zuten, Ugartek iragarri duenez. Lanak UTE Lapatzari esleitu zizkioten. Moyua eta Antzibar enpresek UTE Lapatza osatzen dute. "Irregulartasun zantzuak" daudela onartu du Aldundiko bozeramaileak.
Ikerketa
Gainera, Aldundia sindikatuekin bildu dela adierazi du Ugartek. Segimendua egiteko mahaia deitu dute ostegunerako.
Ikerketaren emaitzak eskura izan bezain laster, kontratua "urratu" dela edo aldi baterako enpresa-elkarte horrekzabarkeriaz jokatu duela ondorioztatuz gero, neurriak hartuko dituztela iragarri du Aldundiko bozeramaileak. Horren harian, zigor moduan kontratuan zehaztutakoaren % 10 ezarri diezaioketela ohartarazi du.
Bestalde, segurtasuna dela-eta Laneko Ikuskatzailetzaren aurrean UTE Lapatzaren aurkako salaketarik aurkeztu ez zutela azaldu du. "Hitzarmenaren urraketagatik" salaketa jarri zutela erantsi du Ugartek, konkretuki, "soldata eta ordu extrak" direla-eta.
Zure interesekoa izan daiteke
Pirinioetako abeltzainek hartzak mugatzeko eskatu dute, abeltzaintza estentsiboarekin "bateragarriak" izan arte
Ezkarotz eta Aribe herrietan, etxeetatik gertu dauden eremuetan, bi hartz ikusi dituzte asteburuan. Hartza hain gertu izateak kezka zabaldu du inguruko abeltzainen artean, abere taldeetan izango dituen ondorioen beldur.
Tubos Reunidosko langileen batzordeak konpainiaren jarraipena bermatzeko eskatu du Diputatuen Kongresuan
Amurrioko lantegiko beharginen ordezkariak Diputatuen Kongresuko hainbat talderekin bildu dira, tartean Podemos eta EH Bildurekin, legez besteko proposamen bat aurkezteko. SEPIren zorra akzio bihurtzea eskatu dute, jarduera eta enplegua bermatzeko, hala nola plan industrial bat eta bankuei laguntzeko neurriak hartu ditzatela, besteak beste, BBVAri, akziodun eta hartzekodun gisa. Tubos Reunidosek 263 milioi euroko zorra duen hartzekodunen konkurtso bati aurre egin behar dio.
Arabako lantegietan aldi baterako lan erregulazioa aktibatzea proposatu du Tubacexek, eskaeren jaitsieragatik
Ormuzko itsasartea ixtearen ondorioz, eskaera-kopuru asko jaitsi delako proposatu du neurria. Alabaina, Iranen eta AEBren arteko akordioa gauzatzen bada, egoera alda daiteke.
Cl Group taldeak Papresa erosteko eskaintza onartu du epaitegi batek
Cristian Layri lotutako Extremadurako taldeak 39,3 milioi euroko eskaintza egin zuen, baina azkenean erosketaren zenbatekoa handiagoa izango da Donostiako Merkataritza Arloko Epaitegiaren arabera.
Bizkaiak “etorkizuna eraikitzeko lekua” dela aldarrikatu du Madrilen, inbertitzaileak erakartzeko
Aldundiak bere erreforma fiskala aurkeztu du Madrilen, ehun bat enpresatako eta erakundetako ordezkarien aurrean.
Langile bat hil da Topoaren lanetan, Donostian
Euskal Trenbide Sareak ohar bidez jakinarazi duenez, tunel batean lanak egiten ari zirela, makina bat irauli da eta langilea azpian harrapatu du.
ZUZENEAN: Etekin Ekonomia Topaketak
Lehiaren Batzordeak espedientea ireki die Ibexeko sei bankuei, hipotekekin lehiaren kontra jardun dutelakoan
Banco Santanderrek, CaixaBankek, BBVAk, Sabadellek, Bankinterrek eta Unicajak adierazi dute hipoteken garestitzea merkatuaren egoeraren ondorio dela.
Satsek bertan behera utzi du emaginen greba Osakidetzan, profesionalen faltari buruzko negoziazioa ireki ostean
Erizainen sindikatuak ekaina eta uztaila bitartean aurreikusitako lanuzteak geldiarazi ditu, baina ohartarazi du mobilizazioei ekingo diela Euskal Osasun Zerbitzuak plantillak indartzeko neurriak zehazten ez baditu.
Medikuen Greba Batzordeak baieztatu egin du greba mugagabea abiatuko dutela irailean
Medikuen Sindikatuak azaldu duenez, erabakia "hartuta" du jada Greba Batzordeak, eta, orain, "hasiera data" zehaztea falta da.