Urkullu, ekonomia suspertzeko ituna aurrekontuetara zabaltzearen alde
Astelehen honetan Eusko Jaurlaritzak eta EAEko hiru foru aldundiek sinatutako Ekonomia Suspertzeko Ituna 2014ko aurrekontuetara zabaltzearen alde agertu da Iñigo Urkullu lehendakaria.
Laurek ituna sinatu ostean eskainitako prentsaurrekoan adierazi dutenez, akordioa "oso garrantzitsua eta beharrezkoa" da Euskadiko ekonomia suspertzeko eta egonkortasuna bermatzeko.
Inbertsioa, lurraldeka
Javier de Andres (Araba), Jose Luis Bilbao (Bizkaia) eta Martin Garitano (Gipuzkoa) ahaldun nagusiek defizit-muga berriarekin lortutako 180 milioi euro horiek zertara bideratuko dituzten azaldu dute agerraldian. Bizkaiak 90 milioi euro gehiago izango ditu, Gipuzkoak 60 eta Arabak 30 milioi gehiago. Kopuru horren % 70 Jaurlaritzak zuzenean kudeatuko du, eta gainerako % 30, berriz, Foru Aldundiek.
Jose Luis Bilbaok iragarri duenez, Bizkaiko Foru Aldundiak hainbat egitasmo finantzatuko ditu diru-kopuru horrekin: Metroko 3. linea (15,5 milioi), Zamudioko Parke Teknologikoa handitzeko lanak (4,5 milioi) eta zenbait obra hidrauliko (4,6 milioi).
Martin Garitano Gipuzkoako ahaldun nagusiak lortutako 18 milioi euroak "herriz herriko" inbertsioetarako erabiliko dituela azpimarratu du.
Javier de Andres Arabako ahaldun nagusiak azaldu duenez, dagozkion bederatzi miloi euroen zati gehiena errepide sarea hobetzeko erabiliko dute (bost milioi pasatxo). Diru partidaren beste zati bat Jundiz eta Subillabide industriaguneetara bideratuko dute.
Eusko Jaurlaritzari dagokionez, trenbide sarean eta etxebizitza sustapenean inbertituko du gehien.
Zure interesekoa izan daiteke
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.