Fagorrek finantziazioa jaso ezean berehala itxiko dutela iragarri du
Fagor Etxetresnakek Mondragon Korporazioari eta erakunde publiko "autonomiko eta estatalei" eskatu dien finantziazioa jaso ezean hartzekodunen konkurtsoa berandu baino lehen deitu beharko duela eta, ondorioz, enpresaren jarduera guztiak "desagertuko" direla iragarri du.
Kontseilu errektoreak (gobernu kooperatiboko organoa) eta kontseilu sozialak (kooperatibako bazkideen ordezkaritza sozialeko organoa) elkarrekin ohar batean iragarri dutenez, "enpresaren berregituraketa, jarduera errentagarriak eta lanpostuen parte esanguratsua mantentzea ahalbidetuko lukeen" bideragarritasun planerako finantziaziorik egongo ez dela aurreikusita, enpresak "berehala" aurkeztuko du hartzekodunen konkurtsoa, "ezinbestean", eta horrek Euskal Herrian 4.000 lanpostu baino gehiago galtzea ekarriko du.
Kooperatibaren arduradunek "uste osoa" dute konkurtsoa aurkeztuz gero "enpresaren jarduera eta lanpostu guztiak betiko" desagertuko direla, aurrera jarraitzeko aukerarik gabe.
Kooperatibaren zuzendaritzak atzo argitara atera zituen datuen arabera, 170 milioi euro behar dira hartzekodunen aurrekonkurtsoan dagoen konpainia hondotik ateratzeko.
Bideragarritasun plana
Kontseilu errektoreak eta kontseilu sozialak atzo arratsalden egin zuten bilera, eta horren ondotik argitaratu dute gaur oharra. Bertan jasotzen denez, "enpresaren berregituraketa eta jarduera errentagarriak, lanpostuen parte esanguratsuarekin batera enpresaren bideragarritasuna eta etekinak dituzten ekintzak eta lanpostuak bermatuko lituzkeen bideragarritasun plana garatu du Fagorrek".
Plana abian jartzeko "MCCri eta erakunde publiko autonomiko eta estatalei" finantzaketa eskatu zien kooperatibak.
Fagorreko bazkideek finantziaziorik egongo ez dela aurreikusita, hartzekodunen konkurtsoa aurkeztuko dela uste dute.
4.000 lagunek galduko lukete lanpostua
Egoera honen ondorioz enplegu galera aurreikusten dute. Galera horrek hornitzaile, kontrata eta komertzioei eragingo lieke, 4.000 lanpostutik gora Euskal Herrian bakarrik. Bazkideen aurrezkietan ere eragingo luke.
Eskualdeko enpresa eta kooperatibetan izango lukeen eraginaz ere ohartarazi dute kontseilu errektoreak eta kontseilu sozialak. Diotenez, "horien biziraupena kolokan egongo litzateke eta aberastasun ekonomiko eta sozialari egiten zaion ekarpena galduko litzateke".
Era berean, Fagorren itxierak merkatuan 50 urtetik gorako presentzia eta lidergoa duen marka ezagun eta prestigiotsu baten merkataritza-fondoa galtzea ekarriko luke.
Bestalde, oharrak dioenez, kontseilu errektoreak eta kontseilu sozialak konfiantza dute "sistema kooperatiboaren oinarri diren elkartasun balioei eutsiz, enplegu guztiak mantenduko direla, birkokapenen zein jarduera berrien sorreraren bidez, eta baita aurre-erretiro eta aldez aurretiko erretiro duinak lortuko direla egoera horretan leudekeen bazkideentzat", oharrak dioenez.
Bestalde, bihar 18:00etarako Arrasaten deituta dagoen manifestazioan parte hartzera deitu dituzte herritarrak, oharraren amaieran.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.