MCCk ez dio Fagor lagunduko, proiektua bideragarria ez dela uste baitu
Fagor Etxetresnak kooperatibak aurkeztutako bideragarritasun plana aurrera eraman ahal izateko diru gehiago ez duela jarriko iragarri du Mondragon Taldeak; izan ere, "finantziazioak ez luke Fagorren etorkizuna bermatuko", horren iritzian
Mondragon Taldeak adierazi duenez, Fagorrek aurkeztutako proiektuak "ez ditu merkatuaren beharrak betetzen".
Korporazioaren Kontseilu Orokorrak "ez du bideragarri ikusten" Fagorrek aurkeztutako proposamena, eta proiektua merkatuaren beharretara ez dela egokitzen uste du "aho batez". Horrek eskatzen dituen baliabide finantziarioek ez luketela enpresaren etorkizuna bermatuko gaineratu du.
300 milioiko laguntza
Taldeak gogoratu du azken urteetan 300 milioi euro bideratu dituela Fagorrera gainerako kooperatiben laguntzen bitartez.
Oharrean jasotzen denez, Mondragon Taldea kooperatiba independente eta autonomo batzuek osatzen duten elkarte bat da, eta elkartasuna bultzatzeko hainbat mekanismo ditu. "Korporazioak bere kooperatiba guztien interesak defendatzen ditu, baina negozioen kudeaketaren erantzukizuna kooperatiba bakoitzaren esku dago". Fagorren egoerak gainerako kooperatibei ez diela eragiten azaldu dute oharrean, "Mondragon Taldea ez delako enpresa holding bat, erakunde independente eta autonomoen elkarte bat baizik".
Beharrezko elkartasun mekanismo guztiak abiaraziko dituela esan du Taldeak, Fagor Etxetresnak kooperatibaren egoerak enplegu askotan izango duen eragina ahalik eta gehien murrizteko.
Negozio berrien sustapena
Kontseilu Orokorrak jarduera sustatzailea areagotuko duela azpimarratu du, eta epe laburrera lan-proposamen bat osatzeko konpromisoa duela adierazi du. Ohiko bideetatik zein bide berezietatik, "negozio berrien sustapenari lotutako eragile korporatibo guztiak aktibatzeko" lan egingo duela gaineratu du.
Oharraren amaieran, Mondragon Korporazioak eredu kooperatiboaren aldeko apustua berretsi du. "Kooperatibismoaren berezko balioak etorkizuneko enpresak kudeatzeko giltzarriak dira gaur inoiz baino gehiago, egoera ekonomikoa aurkakoa izan arren eta egoera horrek edozein enpresa erakunderi arazoak eragin arren".
Taldeak hartutako erabakiak hartzekodunen lehiaketara bideratuko du Arrasateko kooperatiba, arratsaldeko lehen orduan Kontseilu Errektoreak eta Kontseilu Sozialak argitaratu duten oharrean adierazi dutenez.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.