Gipuzkoak aurrekontu proiektua aurkeztu du, %3ko igoerarekin
Gipuzkoako Diputazioak 2014ko aurrekontu proiektua aurkeztu du ostegun honetan. Orotara, Diputazioak 758,6 milioi euroko aurrekontua izango du, aurten baino % 3 handiagoa, eta diruaren erdia gizarte politikara bideratuko da. Gainerako lehentasunak, Mugikortasun eta Bide Azpiegitura saila (% 16,4), enplegua, tokiko garapena, proiektu kulturalen sustapena, eta euskara izango dira.
Martin Garitano Gipuzkoako ahaldun nagusiak eta Helena Franco Ogasun diputatuak 2014ko aurrekontu proiektua eman diote Lohitzune Txarola Gipuzkoako Batzar Nagusietako presidenteari, eta kazetarien aurrean aurrekontu proiektuaren ildo nagusiak aurkeztu dituzte.
Garitanoren esanetan, aurrekontu proiektu horren atzean filosofia bat dago: "agortuta dagoen ekoizpen eta kontsumo eredu jasanezin batetik, bizi kalitatean oinarritutako giza eredu berri batera jauzi egin nahi dugu".
Helena Francok barne produktu gordinaren, enpleguaren eta zerga diru sarreren igoera aurreikusi ditu 2014rako. Halaber, zerga eredu berri baten alde egin dutela gaineratu du: bidezkoagoa, progresiboa eta dirua biltzeko gaitasun handiagoa duena.
"Pertsonen bizi kalitatea hobetzen duten eta lurraldearen ekonomian eragin positiboa izango duten proiektuei lehentasuna eman diegu", azaldu du. Aurrekontu proiektuko lehentasunak gizarte politika, garraio publikoa, enplegua eta tokiko garapena, eta kultur proiektuen eta euskararen garapena dira.
Sailez sail, gizarte politikakoak izango du diru gehien (% 48,7), Menpekotasun legearen baitako zenbatekoak mantentzeko, pobreziaren kontra bideratutako diru partidak hirukoizteko, gizarte zerbitzuetan eta zahar egoitzetan lan egiten dutenen lan baldintzak hobetzeko, eta gutxitasunak dituzten lagunen estaldura hobetzeko.
Aurrekontuaren % 16 Mugikortasun eta Bide Azpiegitura sailera bideratuko da, eta lehentasunak autobus zerbitzua hobetzea, txirrindularientzako bideak egitea eta errepideak mantentzea izango dira.
Bestalde, inbertsioen alorrean banaketa ondorengoa da: 44,64 milioi euro errepideak mantentzeko, 25 milioi euro errepide berriak egiteko eta daudenak hobetzeko, 30,4 milioi euro garraioa sustatzeko eta promozionatzeko, 13,45 milioi euro ingurumen kalitatea hobetzeko, 17,98 milioi euro suaren kontrako babes eta salbamendua zerbitzua hobetzeko, 11,53 miloi euro landa garapena bultzatzeko eta 13,6 milioi euro kirol jarduerak sustatzeko.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.