Jaurlaritza: 'Lopezen Gobernuak 27 milioi euro eman zizkion Fagorri'
Patxi Lopezen Gobernuak 27 milioi euro eman zizkion Fagor Etxetresnak kooperatibari 2012an, 12 milioi euro abaletan eta beste 15 milioi euro inbertsioetarako kredituetan, Eusko Jaurlaritzaren arabera. Orotara, Jaurlaritzak 52 milioi euroko laguntza eman dio Fagor Etxetresnaki, eta horietatik 27 milioi sozialisten eskutik jaso zituzten.
Patxi Lopez eta Rodolfo Ares Euskadiko sozialistek Eusko Jaurlaritzaren jarrera gaitzetsi dute, bideragarritasun planik aurkeztu gabe Fagor Etxetresnak enpresari 52 milioi euro emateagatik. Kritika horien ostean, Iñigo Urkulluren Gobernuak Patxi Lopez lehendakari zen garaiko datuak argitaratu ditu.
Izan ere, Patxi Lopez PSE-EEko idazkari nagusiak Fagor Etxetresnak kooperatibaren auzian "zuhurtziagabekeriaz" jokatzea eta hondorik gabeko zaku batera 50 milioi botatzea egotzi dio. Lehendakari zen garaian Fagor Etxetresnakek laguntza eskatu zuela onartu du, baina "bideragarritasun plan bat mahai gainean jartzeko" eskatu ziola gaineratu du.
Eusko Jaurlaritzak Fagor Etxetresnak enpresari 52 milioi euro eman dizkio guztira, eta horietatik 27 milioi euro Patxi Lopezen Gobernuak eman zizkion 2012an.
Jaurlaritzaren iturriek jakinarazi dutenez, Gobernuak kooperatibaren bideragarritasun planera 25 milioi euro bideratu ditu Ekarpen eta Socade diru funtsen bitartez.
Bilera
Fagor Etxetresnak kooperatiba hartzekodunen lehiaketan sartzear dagoen honetan, bilera garrantzitsua egingo dute bihar Eusko Jaurlaritzak, Gipuzkoako Diputazioak, Debagoieneko alkateek eta Mondragon Taldeak.
Eusko Jaurlaritzaren izenean, Arantza Tapia Ekonomiaren Garapen eta Lehiakortasun sailburuak eta Juan Maria Aburto Enplegu eta Gizarte Politiken sailburuak parte hartuko dute, eta Gipuzkoako Foru Aldunditik Martin Garitano ahaldun nagusia eta Jon Peli Uriguen diputatua bertan izango dira.
Kooperatibaren egoerak Debagoienan, Gipuzkoan eta orohar, Euskal Autonomia Erkidegoan izango duen eragina aztertuko dute.
Albiste gehiago ekonomia
664 pertsona edo enpresak 322,4 milioi euroko zorra dute Nafarroako Ogasunarekin
Zerrendan aurreko urtean baino 11 zordun gehiago agertzen dira. Zor den kantitatea ere hazi egin da eta 2,8 milioi euro gehiagokoa da. Zordun gehienak pertsona juridikoak dira eta ia denek Nafarroan dute egoitza.
LABek ez du osasun ituna babestuko, osasungintza pribatuko kontratuei eutsiko zaielako
LAB sindikatuak iragarri du ez duela osasun ituna babestuko, ezta biharko bilerara joango ere, "sektore pribatuarekiko menpekotasunak" bere horretan jarraituko baitu .
Zaborren tasa berria onartuta eta gainerako zergak izoztuta, Bilbon
Udalak ordenantza berria onartu du oposizioaren ezezkoarekin, neurriak herritarren poltsikoetan izango duen eragina kritikatzen baitute. Tasak gaur egungo zaborren tasa ordezkatuko du eta zerbitzuaren benetako kostuaren araberakoa izango da.
Gatikako azpiestazio elektrikoa 2028an egongo da martxan, eta Europarekin konexio energetikoa indartuko du
Gatikatik abiatu eta lurpeko eta itsaspeko trazadura bidez egingo da. Elektrizitatea trukatzeko ahalmena 5.000 megawattekoa izatea ahalbidetuko du; gaur egungoa bikoiztuko du, alegia. 2.850 milioi inbertitu dira proiektuan, eta Europar Batasunak Interes Komuneko Proiektu izendatu du, Europarekin dagoen lotura "ahula" indartzea baitu helburu.
Greba mugagabea Aguraingo eta Legasako Arcelor lantegietan, uztailaren 1etik aurrera
Enplegu-erregulazioko espedientearen kontsultarako aldia amaituta dago, eta aldeek ez dute lortu elkarrekin ados jartzea. ELA sindikatuak salatu du EEE horren ondorioz zuzendaritzak 33 langile kaleratu eta Legasako lantegia itxi egingo duela.
LEA konpainiak 100 langileri eragingo liokeen aldi baterako lan-erregulazioa planteatu du
Enpresak 120 behargin ditu. Zuzendaritzak langileen ordezkariekin bilera egin du, eta aldi baterako lan-erregulazioaren proposamena helarazi die, suteak ia lantegi osoa suntsitu ondoren. Zuzendaritzaren hitzetan, enpresa-batzordeak "oso jarrera ulerkorra" izan du.
Betetzeko zailak diren Lehen Arretako 173 plaza eskainiko ditu Osakidetzak, aurreikusitakoa baino 30 gehiago
Osasun Sailak jakitera eman duenez, hautaketa-prozesua uztailean ebatziko da, "profesionalak ahalik eta azkarren has daitezen lanean osasun-zentroetan".
BBVA Euskadin duen presentzia indartzeko prest agertu da
Erakundearen arduradunek berretsi egin dute bankuak Euskadiren alde egindako apustua, eta baieztatu dute erakundea prest dagoela inbertsio-aukera berriak aztertzeko.
NATOko herrialde guztiek hartu dute konpromisoa defentsarako gastua % 5era igotzeko
Adierazpen ofizialak ez du adierazten Espainia edo beste estaturen bat salbuetsita dagoenik. Hala ere, NATOren idazkari nagusiak adierazi du bat datozela esatean ez daudela ados.
Gipuzkoako alokairuen erreferentzia-prezioen indizea uztailean egongo da martxan
Gipuzkoa izango da gune tentsionatuetako alokairuaren prezioak arautzeko indizea izango duen lehen lurraldea. Bestalde, Bilbok uztailerako atzeratu du eremu tentsionatu izendatzea, eta Gasteizek irailean hasiko ditu izapideak.