Fagorren krisiak Jaurlaritzaren aurreikuspenak 'okertuko ditu'
Ricardo Gatzagaetxebarria Ogasun sailburuak “egonkortasun ekonomikoaren norabidean” arraun egiteko deia egin du eta, Fagor Etxetresnakek bizi duen krisiaren ondorioz, datorren urtera begira aurreikusitako 4.000 lanpostuen suntsiketa “okertu” daitekeela onartu du.
Gatzagaetxebarria Legebiltzarrean izan da gaur, Ogasun eta Finantza Sailetako aurrekontuak aurkezteko.
Sailburuaren hitzetan, 2014. urtean susperraldia hasiko da Euskadin, oso modu apalean bada ere. Langabezia tasa % 14tik gora kokatuko da datorren urtean ere eta ez da enplegu garibirik sortuko, “atzeralditik ateratzea ez baita krisi ekonomikotik ateratzea”.
Datorrena urte “zaila” izango dela berretsi du eta Fagor Etxetresnakek bizi duen egoerak Jaurlaritzaren aurreikuspenak “oker” ditzakeela gaineratu du. Hala ere, Fagorren krisiak izango duen eragina ikustera itxarongo dutela gaineratu du.
Aurrekontuen lehentasuna
2014ko aurrekontuen inguruan, “2013rako ezarritako lehentasun berdintsuak” izango dituztela esan du: babes sozialaren eredua mantentzea eta susperraldia lortzeko neurriak martxan jartzea, besteak beste.
2014ko Aurrekontuen egitasmoa 10.215 milioi eurokoa da, 2012koa baino % 2,2 gutxiago. Hala ere, egingo duen gastua kontuan hartuta, aurrekontua % 9,6 igoko da datorren urtean.
Ogasun eta Finantza Sailari dagokionez, aurrekontua 96,9 milioikoa izango da, iaz baino % 3,4 gehiago.
Horrez gain, Jaurlaritzaren egitasmoak Euskadiko 70.000 funtzionariei gabonetako eta udako ordainsariak aurreratzea aurreikusten du. Izan ere, urtarrilak 1 eta uztailak 1ean ordainduko dituzte datorren urteko ordainsari horiek
Albiste gehiago ekonomia
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.
Banco Sabadell erosteko eskaintza publikoa onartzeko Espainiako Gobernuaren baldintzaren aurkako helegitea aurkeztu du BBVAk Auzitegi Gorenean
Bankuak uztailaren 15ean aurkeztu zuen errekurtsoa, Espainiako Gobernuak baldintza iragarri eta hiru astera. Zehazki, hiru urteetan bi erakundeek identitate juridikoa eta ondarea bereizita mantentzera behartzen ditu Sanchezen gobernuak.
Zerga-bilketa % 9,6 igo da Euskadin 2025eko lehen seihilekoan
Hiru euskal ogasunek 11.173,7 milioi euro bildu zituzten uztailera arte, hau da, iazko aldi berean baino % 9,6 gehiago eta 983,9 milioi gehiago.
Eusko Jaurlaritzak ingurumen baimena ukatu die Balmasedako El Haya 1 eta 2 parke eolikoei
Kolitza inguruan lau aerosorgailu ezarri nahi ditu Side Recovery Systems konpainiak, baina, txostenaren arabera, eremua sai zuriaren babestokia.
KPIa hamarren bat jaitsi da Euskadin uztailean, eta % 0,2 igo Nafarroan
Urte arteko datuei dagokienez, inflazioa % 3koa da Euskadin eta % 2,7koa Nafarroan, Estatuko batez bestekoaren berdina.
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.