Edesa ere hartzekodunen konkurtsora, bakarka 'bideragarria' ez delako
Fagor Etxetresnakek Edesako langileei adierazi die Basauriko lantegia hartzekodunen konkurtsoan sartuko duela bakarka "bideragarria ez" delako. Europa Press agentziak langileak aipatuz zabaldu du berria.
Ondoren, Sergio Treviño kooperatibako zuzendari nagusia eta Basauriko lantegiko arduraduna langileekin bildu dira. Hiru ordu eta erdiko batzarra izan da, eta, bertan, Bizkaiko Foru Aldundiak egindako proposamena ez onartzeko erabakia jakinarazi die langileei.
Izan ere, Bizkaiko Foru Aldundiak Fagorri adierazi zionez, prest zeuden hiru milioi euro jartzeko Edesan eta modu horretan Basauriko lantegia hartzekodunen aurrekonkurtsotik ateratzeko. Goizean, baina, Treviño eta Edesako zuzendaria Jose Luis Bilbao Bizkaiko ahaldun nagusiarekin bildu dira, eta proposamena ez onartzeko asmoa helerazi diote.
Arratsaldean, erabaki horren inguruan hitz egin du Jose Luis Bilbao ahaldun nagusiak, eta Fagor Etxestresnakek Edesa ''hiltzen utziko'' duela jakinarazi diola iragarri du. Erabakia ulertzen ez duela esan du Bizkaiko ahaldun nagusiak, eta ''egia ez esatea'' egotzi dio Fagorri.
Bestalde, Fagor Etxestresnakeko iturriek EFE agentziari azaldu diotenez, kooperatibaren kontseilu errektoreak Edesaren egoera aztertu du ostiral honetan, eta bere etorkizunaren inguruko erabakia bilera berri batean erabakitzea adostu dute. Litekeena da astelehenean bertan egitea batzar hori. Iturri horiek arabera, kontseiluak ''ez du jarrerarik hartu'', eta baliteke Treviñiok egoeraren inguruko bere ikuspuntu pertsonala helarazi izana langileei.
Haserrea eta ezintasuna
Fagorren erabakiaren berri izan bezain laster, oso haserre azaldu dira Edesako langileak. "Hau adarra jotzea da", adierazi du langile batek. Erabakia "kolpe latza" izan dela adierazi du Ernesto Perez langileen bozeramaileak. Langileak "shock egoeran daude", azaldu du.
Bilera "tentsio handikoa" izaten ari dela esan du langileen bozeramaileak. "Kolpe latza" izan dela adierazi du. "Oso gogorra izan da, orain jota gaude", esan du.
"Jose Luis Bilbaoren hitzen ostean, ez genuen espero, eta kolpe gogorra izan da", langileen ordezkariaren hitzetan. Lantegia salbatzeko itxaropena zuten. "Pixkanaka-pixkanaka pausoak ematea espero genuen, baina atzo aurrekonkurtsotik ez ateratzea erabaki eta gaur egurra eman digute", deitoratu du langileen bozeramaileak.
Bilbaoren ''apustua'' sinesten dutela azpimarratu dute langileek
Treviñorekin egin duten bilera bukatuta, Edesako langileen bozeramaileak esan du Basauriko langileek sinistu egiten dutela Jose Luis Bilbao ahaldun nagusiaren ''apustuan'', Edesa ''bideragarria'' delako.
Perezek azaldu duenez, bilera luzea izan da, eta ''galdera eta erantzun asko'' egon direla. ''Batzuk lasai egon dira; beste batzuk ez hainbeste'', azaldu du; baina batzarra bakean joan dela azpimarratu du.
Zuzendaritzak emandako argumentuak ''abian jartzeko zailtasunak eta gai ekonomikoak'' izan direla zaldu du bozermaileak.
Itxialdiari eutsiko diote
Itxialdiarekin jarraituko dutela iragarri dute langileek, lanpostuak eta enpresaren bideragarritasuna defendatzeko. "Bota arte hemen egongo gara", ohartarazi dute.
Edesako 200 langile baino gehiagok hilabete honetan azken soldata jasotzea nahi du Fagorrek. Lansaria urrian jasotakoaren % 60 izatea nahi dute, Treviñok azaldu dienez.
Albiste gehiago ekonomia
Gasteizko lorezainak eta Enviser enpresa, akordioa lortzeko bidean
Bilera luzea izan dute ostegun honetan Precon, eta itxaropentsu irten dira. Langileak batzartuko dira eta enpresak dagozkion kontsultak egingo ditu, hurrengo bileran akordioa ixteko helburuarekin.
Lan-eskaintza publikoetan euskara blindatzeko EAJ eta EH Bilduren proposamena izapidetzea ahalbidetu dute
Eusko Legebiltzarrak bi lege proposamen izapidetuko ditu lan-eskaintza publikoetan euskara blindatzeko. EAJk bat aurkeztu du, eta PSE-EE gobernukideak ez, baina EH Bilduk babestu egin du. Koalizio soberanistak beste bat aurkeztu du, eta jeltzaleen abstentzioari esker aurrera atera da.
Irailean, langabezia-tasa % 2,02 jaitsi da EAEn, eta % 0,4, Nafarroan
2024ko iraileko datuen aldean, 1.027 langabe gutxiago (% 0,95) daude EAEn, eta 1.232 gutxiago (% 4,16), Nafarroan. Halaber, abuztutik irailera, Euskadiko Gizarte Segurantzan 11.475 lagun afiliatu dira; Nafarroan, aldiz, 719 pertsona gutxiago daude Gizarte Segurantzan izena emanda.
Alokairuen indizeak 500 euro baino gehiago jaitsi ditu Donostian eskainitako prezioak
Gipuzkoako herri tentsionatuetan, azken bost urteetan alokatuta egon ez diren edo lehen aldiz merkaturatu diren edukitzaile handien eta pisuen kontratu berriei bakarrik aplikatu beharko zaie prezio-tarte berria.
Eusko Jaurlaritzak Indartuz inbertsio funtsa sortuko du, eta 400 milioirekin hornituko du
Gainera, Finkatuz inbertsio funts publikoak estatutuak eguneratuko ditu enpresetan parte hartzeko irizpideak malgutzeko. Esaterako, ez da horretarako baldintza izango enpresak egoitza Euskadin izatea, eta nahikoa izango da lurraldean "eragina" izatea.
Mitxel Lakuntzaren arabera, CAFek Jerusalemen duen proiektua "ez da erabakigarria" enpresaren etorkizuna bermatzeko
ELAren idazkari nagusiak dioenez, "CAFek badaki tren hori hasieratik dela ilegala", eta proiektua babesteko eta "ilegalitatearekin jarritzeko argudio gisa darabilen txostena" egin duten adituak zeintzuk diren argitzeko eskatu dio enpresari. Euskadi Irratiko Faktorian hitz egin du asteazken goizean horren eta beste hainbat gairen inguruan.
Sindikatuek hiru orduko lanuztea eta hainbat manifestazio deitu dituzte euskal hiriburuetan, Gazako genozidioa salatzeko
Urriaren 15ean egingo duten lanuztearen berri eman dute LAB, CCOO, UGT, ESK, STEILAS, CGT/LKN, ETXALDE eta HIRU sindikatuek. Lanuzteak eta manifestazioak Espainiako Estatuko lantoki guztietan deitu dira.
CAFeko langileek ordu bateko lanuztea egin dute Jerusalemgo tranbiaren inguruan zuzendaritzak duen jarrera salatzeko
Ordubeteko lanuztearekin bat egin duten langileek elkarretaratzea egin dute CAFen bulego nagusien atarian. Enpresa Batzordeak enpresaren "zinismoa" salatu du Jerusalem tranbiaren proiektuaren inguruan duen jarreragatik, eta zuzendaritzari "NBEren argudioei aurre eginez bere irudia zuritzea" eta Israelen "tesiak onartzea" leporatu dio.
ELAk lanuztea deitu du urriaren 15erako enpresei, Eusko Jaurlaritzari eta Nafarroako zein Espainiako gobernuei Israelekin harremanak etetea eskatzeko
LAB, CCOO, Steilas, Solidari, Etxalde eta Hiru sindikatuek ere lanuzte orokorrak deitu dituzte Hego Euskal Herrian egun horretarako.
Donostian, 60 metro koadroko pisu baten alokairua 800 eurokoa izango da gehienez jota
Gipuzkoako erreferentziazko prezioen indizea Estatuko Aldizkari Ofizialean argitaratu ondoren, asteazken honetan indarrean sartuko da Gipuzkoako udalerri tentsionatuetan alokairuen prezioa mugatzeko aukera ematen duen araua. Irunen, 60 metro koadroko etxebizitza bat alokatzeko ezingo da 624 euro baino gehiago eskatu.