Fagor Etxetresnaken lanpostuei eustea eskatu du giza kate batek
Fagor Etxetresnaken bazkide talde batek deituta, giza katea osatu dute gaur goizean Arrasaten kooperatibaren egoeraren aurrean "irtenbideak eskatzeko". Protesta 09:00etan hasi da, Arrasaten Lagun Arok duen bulegotik, eta Mondragon Korporazioko egoitzan bukatuko da. Edesako langileak autobusez joan dira Arrasatera, giza katean parte hartzeko. Beharginok lanpostuei eusteko deia egin diote Mondragon Korporazioari eta, hori %100ean egitea posible ez balitz, Fagor Etxetresnen langileei "bidezko" baldintzak bermatzea galdegin dute.
500-600 bat langile bildu dira protestan, eta "Edesa ez itxi" edo "Mondragon, más implicación" (Mondragon, inplikazio gehiago) oihuka esanez, lanpostuak mantentzeko eskatu dute. Euren hitzetan, hainbat lantegi "errentagarri" dira eta ez dute ulertzen "ixteko erabakia". Hala, "borrokari eusteko" borondatea azpimarratu dute.
Mikel Olabe Fagor Etxetresenen bazkide eta Ahots Kooperatibistak taldeko kideak ekitaldiaren amaieran azpimarratu duenez, euren eskakizun nagusia bazkideen eta behin-behineko langileen "lanpostuei eustea" da.
Enpresa hartzekodunen konkurtsoan sartuta, lanpostu guztiak mantentzea ia ezinezko izango dela aitortuta, "bidezko" erretiroak, "txandakako" langabezia eta 'talde osoaren aurretiko erretiroekin" lana banatzea eskatu diote Mondragon Korporazioari.
"Elbarritasun bat dutenek lan egiten jarrai dezaten eta giza hondakin moduan tratatu ez ditzaten" deia egin du Olabek.
Ekarpenak hizpide, Mondragon Korporazioari "banketxe txar" ez izateko eta "aurreztaileei sartutako dirua itzultzeko" eskatu diote.
Protesten ingurumaria honetan, manifestazioa deitu dute ostegunerako, Basaurin, 18:00etan hasita.
Edesa eta hartzekodunen konkurtsoa
Fagor Etxetresnak kooperatibako Kontseilu Errektoreak bilera egingo du arratsaldean, Basauriko Edesa lantegiari buruzko behin betiko erabakia hartzeko. Larunbatean beste bilera bat egin zuten, baina akordiorik gabe amaitu zen bilera, Kontseilu Errektoreak Europa Press albiste agentziari jakinarazi dionez. Ezustekorik ezean, enpresak astelehenean jakinaraziko du bere erabakia.
Edesako langileak, bestalde, beren etorkizuna ezagutzeko zain daude. Basauriko Edesa lantegiko langileek azaroaren 5ean hasitako itxialdiarekin jarraitzea erabaki dute, eta konponbideak eskatzeko manifestazio bat egitea aztertzen ari dira.
Aste honetan, Fagor Etxetresnak hartzekodunen konkurtsoan sartuko da, eta kooperatiba likidatze bidean jarriko da.
Fagor Etxetresnaken Poloniako Mastercook filialak urriaren 31n aurkeztu zuen hartzekodunen konkurtsoa, eta Frantziako Fagor Brant etxeak ordainketak eten ditu.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasaitasunez eta normaltasunez" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.