Manifestazio jendetsua Basaurin, Edesa-Fagorreko lanpostuen alde
1.300 bat lagun bildu dira ostegun honetan Basauriko (Bizkaia) kaleetan, Edesa-Fagorreko lanpostuen alde egin duten manifestazioan. Basauriko langileek deitu dute martxa, beren enpleguen defentsan. Izan ere, Fagor Etxestresnak bezala, Edesa ere hartzekodunen konkurtsoan sartuko da.
Martxa bukatuta, kooperatibaren, Mondragon Korporazioaren eta erakunde publikoen inplikazioa eskatu dute Edesako eta Fagorreko langileek, enpresaren jarduera hondotik ateratzeko eta enpleguei eusteko.
Basauriko plantan itxialdia hasi zutenetik soinean eraman ohi duten kamiseta urdina jantzi dute gaur ere Edesako langileek. Gorriz jantzita, berriz, Arrasatetik Fagorreko hainbat langile hurbildu dira Basaurira, manifestazioan parte hartzeko. Bi autobusetan iritsi dira Fagorreko langileak, ''Gure enpleguen defentsa'' lelodun kamisetak zeramatzatela.
Manifestazioan, halaber, Azpeitiko Grumal enpresako langileak eta Mungiako Incasa enpresako langileak ere izan dira. Hartzekodunen konkurtsoan sartu da Incasa ere, Fagorrek bizi duen krisiak bultzatuta.
18:00ean abiatu dute martxa, txistu artean, eta ''Gure Lanpostuen alde'' lelopean.
(Manifestazioa zaratatsua izan da)
Manifestazioan zehar "Fagor, unido, jamás será vencido" (Fagor, batasunean, ez dute inoiz garaituko), "Treviño escucha, seguimos en la lucha" (Treviño, entzun, borrokan jarraitzen dugu), ''No se quiere, sí se puede" (ez dute nahi, baina egin daiteke), "Por el empleo, ni un paso atrás" (enpleguaren alde, atzera pauso bat ere ez) edo "No es un concurso, es un engaño" (Ez da konkurtsoa, iruzurra da) oihuak entzun izan dira. Halaber, Mondragon Korporazioaren ''aterki'' falta salatuz ere mezuak oihukatu dituzte.
Ordaindu plataformak, bestalde, ''Non dago gure dirua?'' lemadun pankarta eraman du.
(Ordaindu plataformako kideak)
Euripean joan da manifestazioa, eta, ibilbidean zehar geldialdia egin dute Laboral Kutxaren egoitzan. Mondragon Korporazioaren kide ere bada Laboral Kutxa, eta Edesaren pegatinak jarri dituzte bertan
Basauriko udaletxetik igaro ondoren, Benta plazan bukatu dute martxa, eta langileek komunikatua irakurri dute. Testu horretan, inplikazioa eskatu diete Fagorri, Mondragoni eta erakunde publikoei, arazoari irtenbidea bilatu ahal izateko.
"Bazkideen enplegu-arazoa eta kaltetuak izango diren guztien arazoa konponduko duen adostutako industria proiektua behar dugu, eskualdeko industriari eustea ere ekarriko lukeena'', esan du Teresa Perezek, Edesa-Fagorreko langileen ordezkari gisa.
Edesa-Fagorrek eskualdeko enpleguaren aldeko apustuan hainbat hamarkada eman dituela gogoratu du, ''ohiko ereduaren ordezko izan den eredu partehartzaile eta kooperatibista'' bat defendatuz. Halaber, ''hiru uholderi, bi suteri eta berregituraketa bati'' aurre egin behar izan diotela gogoratu du.
''Guztion inplikazioarekin lortuko dugu, oraindik sinesten dugun horren alde borroka egiteko indartsu gaudelako'', gaineratu du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasaitasunez eta normaltasunez" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.