Eroskik berrantolaketa sakona egingo du zorrari aurre egiteko
Eroskik berrantolaketa sakona egingo du 2.500 milioi euroko zorrari aurre egiteko, Vocento taldeko egunkariek gaur zabaldu dutenez.
Hori horrela, berrantolaketa plan zorrotza aurkeztu die 22 banketxeri, eta 2.500 milioi euroko zorra birnegoziatzen ari da.
Hemendik aurrera, Euskal Herrian, Penintsulako iparraldean eta Balearretan kokatuko du, batez ere, bere negozioa.
Duela 11 hilabete negoziatu zuen Eroskik bere zorra 22 banketxe horiekin. Orduan, 2017ra arte atzeratu zuten zorra kitatzeko epea, eta horrek Eroskiri arnasa emango ziola uste bazen ere, urtea pasa aurretik berriro eseri da Eroski banketxeekin egoera arindu nahian.
Aipatu iturrien arabera, betiko negozioarekin dirua lortzen du Eroskik, baina Estatuan zehar eginiko inbertsioak zama suposatzen dute orain. Beraz, Euskal Herriko eta Balearretako negozioak mantentzearen aldekoa da; eta eroslerik izanez gero, gainerakoak saltzea izango litzateke irtenbideetako bat, baina oraindik, behintzat, Eroskik ez du ezer salgai jarri.
Zorraren ordainketan, 2014ko urtarrilean 37 milioi euro ordaindu behar ditu, eta hurrengo ordainketa uztailean egin beharko luke. Ikusteke dago bigarren ordainketa hori gelditzea lortuko ote duten orain hasitako negoziazioaren ondorioz.
Eroskik, bazkide eta langileen artean 38.420 lagunez osatutako plantila du.
Zure interesekoa izan daiteke
Espainiak gasolio-, gasolina- eta keroseno-erreserbak ditu ia 100 egunerako
Sara Aagesen hirugarren presidenteorde eta Trantsizio Ekologikorako eta Erronka Demografikorako ministroak berretsi du Espainiako gas- eta petrolio-merkatuak "lasaitasunez eta normaltasunez" funtzionatzen ari direla.
Espainiako Gobernuak 107 milioi inbertituko ditu Multiverse Computing enpresa donostiarrean
2025ean, Eraldaketa Teknologikorako Espainiako Sozietateak bere babesa eman zion konpainiari 59,2 milioi euroko inbertsioarekin, AAri lotuta bere irtenbide teknologikoak sustatzeko helburuarekin.
Bizkaiko Aldundiak iragarritako aldaketa fiskalek langileen artean desberdintasunak sortzen dituztela salatu du ELAk
Aldundiak beherapen fiskalak eskaini nahi ditu enpresak bertan errotzeko eta langileak erakartzeko. ELAren arabera, "enpresarien zerbitzura" egindako neurriak dira, eta langileen artean ezberdintasunak sortuko dituzte.
Araban, AP-68a % 70 merkeago izango dute autoek, eta % 50, kamioiek
Foru Aldundiak azaroan hartuko du bere gain bide horren Arabako zatiaren kudeaketa. Tarifen helburua lurraldeko gaitasun handiko bideen "zaintzeko eta modernizatzeko baliabideak biltzea" izango dela adierazi du.
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.