Aurrezkiak berreskuratzeko funtsa eskatu dio Ordainduk MCCri
Ordaindu plataformako bozeramaileek funts bat sortzea eskatu diote Mondragon Korporazioari (MCC). Baliabide horren bitartez Fagor Etxetresnakek bazkideen aurrezkiak berreskuratzeko eskakizunei aurre egin ahal izango die. Bazkideek borondatezko ekarpenak eta merkataritza-maileguak egin zituzten kooperatiban.
Itziar Gabilondok, Mikel Olabek eta Isidro Sanchezek agerraldia egin dute gaur Eusko Legebiltzarreko Garapen Ekonomiko eta Lehiakortasunerako Batzordean. Txema Gisasola Mondragon Korporazioko presidentearekin asteazken honetan bilduko dira.
Ordaindu plataforma bazkide kooperatibistek, bazkide ohiek eta senitartekoek osatzen dute. Erretiroa hartu duten eta lanean ari diren langileek kooperatiban egindako inbertsioa berreskuratzea eskatzen du Ordainduk: 87 bat milioi euro.
Fagor Etxetresnak hartzekodunen konkurtsoan sartzeak bazkideen arazoa areagotu du; izan ere, bere garaian borondatezko ekarpenak eta merkataritza-maileguak egin zituzten.
2013ko azaroaren 1etik aurrera inbertitutako dirua ezin dute berreskuratu. Horrez gain, kaltedunek ez dituzte lehen seihilekoko interesak kobratu.
Legebiltzarraren aurrean, dozenaka bazkidek elkarretaratzea egin dute aurrezkiak itzultzea eskatzeko.
Kaltedunek elkarretaratzea egin dute Legebiltzarraren aurrean. Argazkia: EFE
Babes ebazpena
Ordainduren aldarrikapenak babesteko ebazpena onartzea eskatu dio Mikel Olabek Legebiltzarreko batzordeari. Era berean, aurrezkiak berreskuratzeko funtsa sortzea Korporazioari eskatzea nahi dute. Likidazioa egiteko orduan Fagor Etxetresnakeko administratzaile konkurtsalek bazkideak "ordena egokian" jartzea eskatu du Olabek.
Bestalde, Fagor Etxetresnaken Kontseilu Errektorearen erabakiak 800 bat pertsonari eragiten diela azaldu du Itziar Gabilondok.
Dirua "legez kanpo" atxiki dutela errepikatu dute Ordainduko bozeramaileek; izan ere, bazkideak behin eskatu duenean inbertsioa bueltatzeko epeak legalki ezarrita daude.
Zure interesekoa izan daiteke
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean Greba Batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurralde arteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.
Osasun Ministerioak apirilaren 9rako deitu ditu autonomia erkidegoak medikuen grebaz hitz egiteko
Ostiral honetan ohiko osoko bilkura egingo dute pazienteen eta Osasun Sistema Nazionalaren kudeaketa publikoaren lege aurreproiektuen berri emateko.
Lanbidek aurreikusten du martxoa enplegu-datu positiboekin amaituko dela: "Oraindik ez dira nabaritzen krisi geopolitikoaren ondorioak"
Francisco Pedraza Lanbideren zuzendari nagusiak, Radio Euskadin egindako elkarrizketan, adierazi du "zalantza asko" daudela "epe ertainera begira".
Erregaiaren prezioek behera, astelehenari ekiteko, krisiaren aurkako neurriak igandean indarrean sartu ostean
Zerbitzugunearen arabera, erregaien prezioak litroko 15-20 zentimo jaitsi dira. Neurriak jada indarrean dauden arren, Diputatuen Kongresuak onartu beharko ditu; datorren ostegunean, martxoaren 26an, bozkatuko dituzte neurriak.