Jaurlaritzako Aurrekontuek lehen tramitea gaindituko dute gaur
Eusko Jaurlaritzako 2014ko aurrekontu proiektuak lehen tramitea gaindituko du gaur Eusko Legebiltzarrean. Jeltzaleek sozialistekin eta popularrekin lorturiko akordioei esker, Eusko Legebiltzarrak atzera botako ditu EH Bilduk eta UPyDk Aurrekontuei aurkeztutako osoko zuzenketak.
EAJk PSE-EErekin batetik eta PPrekin bestetik lorturiko akordioei esker, Legebiltzarrak 2014ko Aurrekontuak onartuko ditu, 2013an aurreko urteko kontuak luzatuta aritu ondoren.
Gaurkoa aurrekontu proiektua onartzeko lehen pausoa izango da, eta, ezustekorik ezean, abenduaren 20an onartuko dituzte Aurrekontuak.
Sozialistek 115 zuzenketa partzial adostu dituzte jeltzaleekin, eta horiek zerga itunean eta EAJk eta PSE-EEk sinatutako akordioan jasota daude.
PPk eta EAJk Aurrekontuen egonkortasunerako akordioa lortu zuten. Halaber, gastu arrunta murriztea eta zorpetzea pixkanaka-pixkanaka gutxitzea adostu zuten.
EH Bilduk osoko zuzenketa aurkeztu die Aurrekontuei, proiektuak krisiari konponbiderik ematen ez diola argudiatuta.
UPyDren iritziz, aurrekontu proiektua "kontserbadorea eta kontinuista" da, eta jeltzaleek erreformak egin beharrean murrizketak egitearen aldeko hautua egin duela salatu du.
Zure interesekoa izan daiteke
2026an, zer garestituko da, zer merkatu?
Urtea hastearekin batera eguneratu dituzte hainbat produktu eta zerbitzuren prezioak. Zenbait salneurriren kasuan, hala nola elikagaiena edo etxebizitzena, zaila da aurreikuspenak egitea, baina beste batzuen gorabeherak jakinak dira. Honatx azken horien laburbilduma.
Euskal partzuergoak Ayesa Digital erosteko operazioa itxi du, 480 milioi euroren truke
Operazioaren ondorioz, Ibermatica zenaren erabaki zentroa Euskadira itzuliko da. Transakzioa datozen hilabeteetan itxiko dute, agintari eskudunen onespena lortu ondoren.
Elgoibarko eta Tolosako anbulantzia medikalizatuen zerbitzua publikoa izango da urtarrilaren 7tik aurrera
Gipuzkoako anbulantzietako langileek, orduan, aukera izango dute Osasun Sistema Publikoan subrogatuak izateko ordura arteko baldintza berberetan "dagozkien plazak EPE bidez egonkortu bitartean"; enpresan jarraitzeko aukera ere izango daute, baina beste lantoki batean.
ELA sindikatuak ohartarazi du 57 langile hil direla lan-istripuetan Hego Euskal Herrian 2025ean, horietatik 35 Nafarroan
Bestalde, LABek 74 hildakora igo du kopurua, atzerrian hildako euskal langileak kontuan hartuz. Nolanahi ere, lanarekin lotutako heriotzek beste gorakada bat izan dute aurten ere.
Albiste izango dira: Ayesaren erosketa gauzatzeko azken orduak, lehendakariaren urte amaierako mezua eta urtezahar eguna
Gaurkoan Orain-en albiste izango direnen laburpena, bi hitzetan.
Ayesaren erosketa ixteko azken orduak
Gaur amaituko da garai bateko Ibermatica erosteko ezarritako epea, eta Eusko Jaurlaritzak eta inplikatutako finantza-bazkideek espero dute hurrengo orduetan gauzatzea.
Langile bat hil da Laudion, lan-istripu ez-traumatiko batean
LABek ohartarazi du heriotza horiek presio, estres eta lanaldi luzeetan gertatzen direla, eta lan eskubideak bermatuko dituzten politikak eskatu ditu.
Donostiak 2026ko udal aurrekontua onartu du, eta ostegun honetan sartuko da indarrean
Kontuek etxebizitzan, garapen ekonomikoan, segurtasunean, garbiketan, hiri-mantentzean, garraio publikoan eta elkarteekiko harremanean jartzen dute arreta.
Anbulantzia-zerbitzua plantilla subrogatu gabe publifikatzea kritikatu du ELAk
ELAk jakinarazi duenez, Gipuzkoako Osasuneko Lurralde Ordezkaritzak erabaki du indarrean dagoen kontratua bertan behera uztea, eta, urtarrilaren 7tik aurrera, zuzenean bere gain hartzea Tolosako eta Elgoibarko anbulantzia medikalizatuen kudeaketa. Zerbitzu horrek 45 profesional enplegatzen ditu gaur egun, mediku, erizain eta garraio sanitarioko teknikarien artean, eta salatu dutenez, "gaur egun horien lana mehatxupean dago".
Tolosa eta Lezo etxebizitza-eremu tentsionatu izendatu dituzte
Eremu tentsionatu izendatzeak etxebizitza eskuratzen laguntzeko hainbat neurri zabaltzeko aukera ematen du. Azpimarragarriena da alokairuak Etxebizitza Ministerioak eremu bakoitzera egokitutako erreferentzia-indize baten arabera ezarritako prezio-tartearen arabera mugatzeko aukera. Hala ere, izendapena ez da ofizialki indarrean sartuko Estatuko Aldizkari Ofizialean argitaratu arte.