Soria: 'Prezioa finkatzeko enkanteak hilero egitea aukera bat da'
Jose Manuel Soria Espainiako Industria, Energia eta Turismo ministroak larunbat honetan azaldu duenez, Espainiako Gobernua enkante elektrikoen sistema aldatzeko lanean ari da eta enkanteak hilero egitea aukera bat dela gaineratu du.
Estatuko Aldizkari Ofizialak (EAO) gaur publikatu du urtarrilaren 1ean abian jarriko den argindarraren tarifa berria. % 2,3 igoko da prezioa, eta 2014ko lehen hiruhilekoan izango da martxan. Espainiako Merkatuaren eta Lehiakortasunaren batzordeak azken enkantea bertan behera utzi zuen prozesuan irregulartasunak atzeman zituelako. Lehen hiruhilekotik aurrera begira Gobernua aztertzen ari den aukerez galdetuta, hilero enkantean egitea horietako bat dela adierazi du.
Soriaren esanetan, Energiaren Batzordea zena aspaldi hasi zen enkanteak hiru hilabetetik behin eginbeharrean segidan egiteko eskatzen. Horren harira, Gobernua enkanteak hilero edo modu gainjarrian egitea aztertzen ari da.
Atzo Ministro Kontseiluak argindarraren prezioa % 2,3 igotzea erabakitzea "interbentzionismoaren kontrakoa da", Soriaren arabera.
Eta 2014ko bigarren hiruhilekotik aurrera zer gertatuko den galdetuta, Gobernua enkante elektrikoen sistema aldatzeko lanean ari dela eta 2014ko lehen hiru hilabeteak trantsizio garaia izango direla nabarmendu du.
FACUAren ustez, "zentzugabekeria bat"
Ministroaren hitzei FACUA kontsumitzaileen federazioak eman die erantzuna. FACUAren ustez, "zentzugabekeria bat" izango litzateke enkante eletrikoak, berak proposatu duenez, hilero egitea. Federazio horretako bozeramaile batek EFEri adierazi dionaren arabera, argindarraren prezioa ezartzeko enkanteak erabiltzea, berez, "zitala" da, enpresa elektrikoei energiaren sortzearen benetako balioa isilean izateko aukera ematen baitie, eta, gainera, kontsumitzailea babesik gabe uzten baitu. Bere ustez, kalkulua egiteko beste prozedura bat erabili beharko litzateke eta Gobernuak erabat erregulatutako tarifaren sistema bat ezarri beharko luke.
FACUAren iritziz, Gobernuak koherentzia izan beharko luke: Soria ministroak azken enkantean manipulazioa egon ahal zelako aukera aipatu badu, ikerketa bat zabaldu beharko luke, enkante honen gainean ez ezik besteen gainean ere.
FACUAk, abenduaren 24an, Europako Batzordearen aurrean salatu zuen Gobernua; izan ere, euren ustez, argindarraren barne merkaturako arau komunak ez zeuden beteta, kontsumitzaileen babesa eta arrazoizko prezioak ez baitzituen bermatzen.
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.