Adegik langileekin 'zuzenean' negoziatzea proposatu du
Gipuzkoako patronalak, Adegik, enpresaburuek langileekin "zuzenean" negoziatzea proposatu du, negoziazio kolektiboaren "osagarri" gisa, lan-harremanen "blokeoa" gainditzen saiatzeko.
Miramongo teknologia parkean (Donostia) egindako ekitaldi batean, Pello Guibelalde eta Jose Miguel Ayerza Adegiko presidenteak eta idazkari nagusiak lan-harremanak aldatzeko eredu bat aurkeztu dute.
Ayerzaren esanetan, eredu honek "hirugarren bide bat" zabalduko luke lan-harremanen esparruan, baina "bide tradizionalak" (sindikatuekin negoziatzea) albo batera utzi gabe.
Ekitaldian, Arantza Tapia Ekonomiaren Garapen eta Lehiakortasun sailburuak ere hartu du parte, eta hurrengo hilabeteetan industrializazio plan bat abiatuko duela aurreratu du. Halaber, ardatza berrikuntza izango dela nabarmendu du.
Zure interesekoa izan daiteke
SMU medikuen sindikatuak deitutako grebaren jarraipena % 4koa da, Osakidetzaren arabera
Repsolek auzitara eraman ditu Endesa, Iberdrola, Naturgy eta Red Electrica, itzalaldiagatik
Etxebizitzaren prezioak markak hautsi ditu berriro: 6.662 €/m2 Donostian eta 4.102 €/m2 Gipuzkoan
Espainiako Gobernuak bihar onartuko du gutxieneko soldata 1.286 eurora igotzea